ٹی ٹوئنٹی ورلڈکپ :افغانستان کا سری لنکا کو 145 رنز کا ہدف

برسبین میں آج گروپ ون میں دو میچز کھیلے جارہے ہیں جس میں پہلے مقابلے میں افغانستان اور سری لنکا کی ٹیمیں مدمقابل ہیں جبکہ  دوسرا اہم میچ  انگلینڈ اور نیوزی لینڈ کے درمیان ہوگا۔

ٹی ٹوئنٹی ورلڈ کپ کے اہم میچ میں افغانستان نے سری لنکا کے خلاف ٹاس جیت کر بیٹنگ کا فیصلہ کیا۔

افغانستان نے مقررہ اوورز میں 8 وکٹوں پر 144 رنز بنائے ہیں، افغان بیٹر رحمان اللّٰہ گرباز نے 28 اور عثمان غنی نے 27 رنز کی اننگز کھیلی۔

افغانستان اور سری لنکا کی ٹیموں کے تین، تین میچز کے بعد صرف دو ، دو پوائنٹس ہیں ، دونوں ٹیموں کو سیمی فائنل تک پہنچنے کی اُمیدوں کو زندہ رکھنے کے لیے نہ صرف یہ  مقابلہ جیتنا ہوگا بلکہ گروپ کا پانچواں اور آخری میچ بھی جیتنا ضروری ہوگا۔

افغانستان کا پانچواں مقابلہ آسٹریلیا سے ہوگا جبکہ سری لنکا کو انگلینڈ سے کھیلنا ہے۔