امریکا کی عمران خان پر قاتلانہ حملے کی مذمت

تفصیلات کے مطابق امریکی وزیر خارجہ انٹونی بلنکن نے کہا ہے کہ عمران خان کی ریلی میں فائرنگ کی سخت الفاظ میں مذمت کرتے ہیں۔

ٹوئٹر پر اپنے بیان میں انٹونی بلنکن نے عمران خان اور دیگر زخمیوں کی جلد صحتیابی کے لیے نیک خواہشات کا اظہار کیا۔

انہوں نے مزید کہا کہ تمام سیاسی جماعتوں کو پرامن رہنما چاہئے، سیاست میں تشدد کی کوئی جگہ نہیں۔

امریکی وزیرخارجہ نے عمران خان کی ریلی میں ایک شخص کے جاں بحق ہونے پر لواحقین سے بھی اظہار افسوس کیا ہے ۔ 

The U.S. strongly condemns the shooting of @ImranKhanPTI at a political rally. We wish him and all others injured a quick recovery, and we offer condolences to the family of the individual who was killed. All parties should remain peaceful. Violence has no place in politics.

— Secretary Antony Blinken (@SecBlinken) November 3, 2022

واضح رہے کہ گزشتہ روز گوجرانوالہ میں لانگ مارچ کے دوران چیئرمین پی ٹی آئی کے کنٹینر پر فائرنگ سے ایک شخص جاں بحق جبکہ عمران خان اور فیصل جاوید سمیت 13 افراد زخمی ہوئے تھے۔