ٹی ٹوئنٹی ورلڈ کپ : بنگلادیش کی  پاکستان کیخلاف بیٹنگ جاری

تفصیلات کے مطابق ایڈیلیڈ میں آج کا میچ جیتنے والی ٹیم ورلڈ کپ کے سیمی فائنل میں پہنچ جائے گی ۔

میچ میں بنگلادیش کی پہلی وکٹ 21 رنز پر گری جب لٹن داس 10 رنز بنا کر شاہین آفریدی کی بال پر کیچ آوٹ ہوئے ۔ ٹاس جیتنے کے بعد بنگلادیش کے کپتان شکیب الحسن نے کہا کہ اس میچ کے لیے ہم بہت پُر جوش ہیں۔

پاکستان کے کپتان بابر اعظم نے کہا کہ جیت ہمیشہ اعتماد بڑھاتی ہے، دو شکست کے بعد اب ہم اس میچ پر فوکس کر رہےہیں۔

بابر اعظم نے کہا کہ ٹیم میں کوئی تبدیلی نہیں کی ہے۔

یاد رہے کہ آج صبح آئی سی سی ٹی ٹوئنٹی ورلڈ کپ کے اہم میچ میں نیدرلینڈز نے جنوبی افریقا کو 13 رنز سے اپ سیٹ شکست دی تھی۔