پاکستان
فرح گوگی نے تحائف بیچے ہی نہیں، پی ٹی آئی کا قانونی کاروائی کا فیصلہ
رہنما پی ٹی آئی فواد چودھری نے کہا ہے کہ عمرفاروق کیخلاف دبئی میں قانونی کارروائی کریں گے، نظام انصاف پر ہمیں اعتماد ہی نہیں ہے، چار دن سے ہمارے سینیٹرز سڑکوں پر ہیں، عمران خان پر جو قاتلانہ حملہ ہوا اس پر نوٹس ہی لے لیں۔
شیریں مزاری اور ذلفی بخاری کے ساتھ پریس کانفرنس کرتے ہوئے فواد چودھری نے کہا کہ سعودی بادشاہ نے عمران خان کو تحفہ دیا، ہمارے چیف آف پروٹوکول نے وہ تحفہ وصول کیا، عمران خان یا کوئی بھی وزیراعظم تحفے براہ راست وصول نہیں کرسکتے۔
پی ٹی آَئی ملک میں کرپشن کے خاتمے کے بیانیے کیخلاف کھڑی ہے، عمران خان کو جوگھڑی ملی تووزارت خارجہ کے پروٹوکول آفیسر نے وصول کی، توشہ خانہ قانون میں بھی پی ٹی آئی دورمیں تبدیلی ہوئی، ہمارے پاس الزام کے دفاع میں جواب لازمی ہونا چاہیے، جس بھی وزیراعظم کو تحائف ملتے ہیں وہ نظام کے تحت توشہ خانہ کےحوالے کیے جاتے ہیں، کابینہ ڈویژن کےتحت تحائف کی ویلیو ایشن ہوتی ہے، عمران خان سے پہلے پاکستان میں کرپشن کوئی مسئلہ ہی نہیں تھا۔
عمران خان کو ملنے والی گھڑی کی قیمت 10کروڑ روپے کے قریب ہے، پی ٹی آئی نے حکومت سبنھالی تو جو تحفہ ملا اس کی 20 فیصد قیمت ادا کرکے رکھ سکتے تھے۔
فواد چودھری نے کہا کہ عمرفاروق کیخلاف دبئی میں قانونی کارروائی کریں گے، نظام انصاف پر ہمیں اعتماد ہی نہیں ہے، چار دن سے ہمارے سینیٹرز سڑکوں پر ہیں، عمران خان پر جو قاتلانہ حملہ ہوا اس پر نوٹس ہی لے لیں، پی ٹی آئی اور عمران خان ایک ہی جمہوری نظام کے لیے کھڑے ہیں، عمر فاروق پر جرائم کے مقدمات ہیں، عمر فاروق پاکستان سے جعلی کاغذات پربچوں کو دبئی لیکر گئے تھے۔
پی ٹی آئی نے عمر فارق کے ساتھ جنگ گروپ کے خلاف بھی لندن میں قانونی کارروائی کا فیصلہ کیا ہے۔
رہنما پی ٹی آئی شیریں مزاری نے کہا کہ یوسف رضا گیلانی کی اہلیہ نے سیلاب متاثرین کو ملنے والا ہارچوری کیا تھا، ہمیں سب پتہ ہے کونسی طاقتیں ہیں جو عمران خان کیخلاف کھڑی ہیں، جب انہیں عمران خان کیخلاف کچھ نہیں ملاتو ایک کریمنل کو سامنے لے آئے لیکن قوم اس وقت عمران خان کیساتھ کھڑی ہے، ایک کریمنل کو لاکر شواہد ظاہر کیے جارہے ہیں، یہ بوکھلاہٹ ہے، ریاست اس وقت مضبوط ہوتی ہے جس عوام ریاست کے پیچھے کھڑے ہو۔
دوسری جانب ذلفی بخاری نے کہا کہ توشہ خانہ سے آصف زرداری اور نوازشریف نے بھی گاڑیاں لی تھیں، آصف زرداری اور نوازشریف نے قانون کی خلاف ورزی کرتے ہوئے گاڑیاں لیں، پروگرام سے پہلے پنٹر کو کال کر کے قیمت بڑھاوائی گئی۔
دبئی سمیت دنیا کے ہر کونے میں کیمرے ہیں، جس ڈیلرکوتحفہ 5 کروڑ70 لاکھ میں بیچا گیا اس نے 6 کروڑ 10لاکھ میں بیچا، الزام لگانے والوں کے پاس فرح بی بی کے جانے کی کوئی ایک فوٹیج تو ہوگی، کہا گیا کہ 2 ملین ڈالر بغیر کسی رسید یا ثبوت کے دے د یئے ہیں، عمرفاروق فرح کو پیسے دینے کا جو دعویٰ کررہے ہیں، اس کی فوٹیجز بھی سامنے لائیں، ایک ماہ سے سرکس جاری ہے ، اس کا ماسٹر مائنڈ کون ہے؟
انہوں نے کہا کہ پتا نہیں کیوں قوم بھول گئی کہ یوسف رضا گیلانی نے ہار اپنے لیے رکھ لیا تھا۔
پاکستان
صدر مملکت نے تین صوبوں کے گورنرز کی تقرری کی منظوری دے دی
ذرائع کے مطابق بلوچستان میں مسلم لیگ ن کے صوبائی چیپٹر کے صدر جعفر خان مندوخیل کو نیا گورنر مقرر کر دیا گیا ہے
اسلام آباد : صدر آصف علی زرداری نے ہفتہ کو خیبرپختونخوا، پنجاب اور بلوچستان کے گورنرز کی تقرری کی منظوری دی۔
پیپلز پارٹی کے چیئرمین بلاول بھٹو زرداری نے مخلوط حکومت میں شامل ہونے سے قبل مسلم لیگ (ن) کے ساتھ طے پانے والے معاہدے کے تحت ایک روز قبل کے پی اور پنجاب کے گورنرز کے لیے پارٹی کے دو سینئر رہنماؤں کو نامزد کیا تھا۔
ذرائع کے مطابق بلوچستان میں مسلم لیگ ن کے صوبائی چیپٹر کے صدر جعفر خان مندوخیل کو نیا گورنر مقرر کر دیا گیا ہے۔
واضح رہے کہ مسلم لیگ (ن) کے رہنما بلیغ الرحمان گورنر پنجاب تھے، جب کہ جمعیت علمائے اسلام (ف) کے حاجی غلام علی کے پی میں اسی عہدے پر خدمات انجام دے رہے تھے۔
ذرائع کے مطابق وزیر اعظم شہباز شریف نے مندوخیل کی تقرری کی سمری مسلم لیگ ن کے قائد نواز شریف کی منظوری کے بعد صدر مملکت آصف علی زرداری کو بھجوائی تھی۔
صدر مملکت آصف علی زرداری نے پنجاب، خیبر پختونخوا اور بلوچستان کے گورنرز کی تقرری کی منظوری دے دی۔ pic.twitter.com/vfuZY2Kwci
— The President of Pakistan (@PresOfPakistan) May 4, 2024
ایوان صدر سے جاری ہونے والی پریس ریلیز میں کہا گیا ہے کہ صدر زرداری نے پیپلز پارٹی کے مرکزی سیکرٹری اطلاعات فیصل کریم کنڈی کو کے پی، سردار سلیم حیدر کو پنجاب اور مندوخیل کو بلوچستان کا گورنر بنانے کی منظوری دی تھی۔
اس میں کہا گیا کہ یہ منظوری آئین کے آرٹیکل 101(1) کے تحت دی گئی۔
کاغذات نامزدگی کے فوراً بعد بلاول بھٹو نے وزیراعظم ہاؤس میں وزیراعظم شہباز شریف سے ملاقات کی اور انہیں فیصلے سے آگاہ کیا۔
وزیر اعظم آفس کے ایک ذرائع نے بتایا تھا کہ یہ دونوں رہنماؤں کے درمیان ون آن ون ملاقات تھی جس میں دونوں صوبوں کے گورنرز کا معاملہ زیر بحث آیا۔
پاکستان
غلامی نامنظور کا نعرہ لگانے والے اب مذاکرات کی باتیں کررہے ہیں، خواجہ آصف
9مئی کو پی ٹی آئی نے ریڈ لائن کراس کی، سازش کے تحت فوجی تنصیبات پر حملہ کیا گیا، وزیر دفاع
وفاقی وزیر دفاع خواجہ آصف نے کہا ہے کہ9مئی کو پاکستان تحریک انصاف (پی ٹی آئی) نے ریڈ لائن کراس کی ، سازش کے تحت فوجی تنصیبات پر حملہ کیا گیا، فوج میں بغاوت کی کوشش کی گئی۔اب غلامی نامنظور کے نعرہ لگانے والے اسٹیبلشمنٹ سے مذاکرات کی باتیں کر رہے ہیں۔
سیالکوٹ میں میڈیا سے گفتگو کرتے ہوئے انہوں نے کہا کہ حملوں میں پی ٹی آئی کی لیڈر شپ بھی ملوث تھی ، عدم اعتماد کا غصہ انہوں نے فوجی تنصیبات پر حملہ کر کے نکالا۔
خواجہ آصف کا کہنا تھا کہ 9 مئی کو حملہ کرنے والوں نے اب مذاکرات کیلئے کمیٹی بنا دی ۔ جب یہ حکومت میں تھے تو بات کرنے کیلئے تیار نہیں تھے۔
انہوں نے کہا کہ قید ہوئے ابھی ایک سال نہیں ہوا اور یہ مذاکرات کے لئے تیار ہو گئے۔
وزیر دفاع نے کہا کہ بانی پی ٹی آئی عمران خان نے مولانا فضل الرحمان کی تضحیک کی اور اب انھیں بھی دعوت دی جارہی ہے۔
جرم
سیکیورٹی فورسز کا شمالی وزیرستان میں خفیہ اطلاع پر آپریشن ، 6 دہشت گردہلاک
مارے گئے دہشت گرد سکیورٹی فورسز کے خلاف دہشت گردی کی متعدد کارروائیوں کے ساتھ ساتھ علاقے میں معصوم شہریوں کی ٹارگٹ کلنگ میں بھی ملوث تھے
راولپنڈی: سیکیورٹی فورسز نے شمالی وزیرستان کے ضلع میں خفیہ اطلاع پر کارروائی کرتے ہوئے 6 دہشت گردوں کو ہلاک کردیا۔
انٹر سروسز پبلک ریلیشنز (ISPR) کے مطابق علاقے میں دہشت گردوں کی موجودگی کی اطلاع پر کیے گئے آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا۔
آئی ایس پی آر کے مطابق آپریشن کے دوران دہشت گردوں کے ٹھکانے کو بھی تباہ کر دیا گیا۔
مارے گئے دہشت گرد سکیورٹی فورسز کے خلاف دہشت گردی کی متعدد کارروائیوں کے ساتھ ساتھ علاقے میں معصوم شہریوں کی ٹارگٹ کلنگ میں بھی ملوث تھے ۔
واضح رہے کہ سیکیورٹی فورسز کی جانب سے علاقے میں دہشت گردی کے خلاف آپریشن کیا جا رہا ہے۔
پاکستان اور نائیجر کا اقتصادی شعبے میں تعاون مضبوط بنانے کا عزم
حکومت 1.8 ملین میٹرک ٹن گندم خریدے گی، وزیر اعظم
محصولات کی وصولی پاکستان میں سب سے بڑا چیلنج ہے ، وزیر اعظم
-
پاکستان 2 دن پہلےمولانا فضل الرحمان کو بھی کراچی میں جلسے کی اجازت نہ مل سکی
-
پاکستان 6 گھنٹے پہلےقرض لینے پر مجبور ہیں ، اس لیے آ ئی ایم ایف کے پاس جاتے ہیں ، وزیر اعظم
-
ٹیکنالوجی 2 دن پہلےمصنوعی ذہانت سے آئندہ 3 سالوں میں سعودی عرب میں 17 فیصد روزگار متاثرہونے کا اندیشہ
-
جرم 2 دن پہلےفیصل آباد کے رہائشی محمد کاظم کی دو بیویوں اور چار بچوں کوقتل کرنے کے بعد خودکشی
-
پاکستان ایک دن پہلےوزیراعظم شہباز شریف کی جا نب سے چیئرمین ایف بی آرامجد زبیرکی سرزنش
-
پاکستان 2 دن پہلےآصف علی زرداری پاکستان پیپلز پارٹی پارلیمنٹرین کی صدارت سےمستعفی
-
پاکستان 2 دن پہلےسعودی وفد جلد پاکستان کا دورہ کرے گا ، وزیر اطلاعات
-
علاقائی ایک دن پہلےلاہور میں جلد الیکٹرک بسیں چلا ئی جائیں گیں ، مریم نواز
