حیدرآباد: ٹریفک حادثے میں 3افراد جاں بحق،4زخمی

نوری آباد کے قریب ایم نائن موٹر وے پر تیز رفتار کار سامنے سے آنے والی ٹرک سے ٹکراگئی۔

موٹروے پولیس کے مطابق کار سوار کراچی سے حیدرآباد جارہے تھے کہ نوری آباد کے قریب تیز رفتاری کے باعث حادثہ پیش آیا۔

حادثے کے نتیجے میں 3 کار سوار موقع پر جاں بحق ہوگئے جبکہ 4 زخمی ہوگئے۔ امدادی ٹیموں نے لاشوں اور زخمیوں کو مٹیاری ٹراما سینٹر منتقل کردیا ہے۔