راولپنڈی میں جمعے کو باقاعدہ خیمہ بستیاں لگانے جارہے ہیں : اسد عمر

اسلام آباد میں میڈیا سے گفتگو کرتے ہوئے اسد عمر نے کہا کہ فیض آباد پر عمران خان کا اسٹیج لگایا جائے گا، مشاورت کر لی گئی ہے۔

انہوں نے کہا کہ انسدادِ دہشت گردی کی عدالت میں تحریک انصاف کے رہنما پہنچے ہوئے ہیں ، حکومت عوام کی طرف توجہ دیتی تو معیشت کی تباہی نہ ہوتی۔معاشی صورتحال قومی  سلامتی کیلئے خطرہ بنتی جارہی ہے ، بحران  سے نکلنے کا راستہ صرف انتخابات کا اعلان ہے۔

پی ٹی آئی رہنما کا کہنا ہے کہ تاریخ کا سب سے بڑا اجتماع راولپنڈی میں ہونے جا رہا ہے۔

دوسری جانب پنڈی کی انتظامیہ اور قانون نافذ کرنے والے اداروں نے پی ٹی آئی کے دھرنے کا مقام تبدیل کرنے کی تجویز دے دی۔

واضح رہے کہ پاکستان تحریکِ انصاف (پی ٹی آئی) کے چیئرمین عمران خان نے 26 نومبر کو راولپنڈی پہنچنے کی کال دی ہے۔