صنعتی ممالک موسمیاتی مالیاتی وعدے پورے کریں : وزیراعظم

وزیراعظم  نے ترکیہ کے خبررساں ادارے ''Anadolu'' کو ایک انٹرویومیں موسمیاتی تبدیلی سے شدید متاثرہ ترقی پذیرممالک کومعاوضے کی فراہمی کے لئے نقصان اورازالے کے فنڈکے قیام کاخیرمقدم کیا۔

وزیراعظم شہبازشریف نے تجویز دی کہ بین الاقوامی برادری کوموسمیاتی تبدیلی سے نمٹنے کے لئے قرضوں کی معافی کے امکانات کا بھی جائزہ لیناچاہیے۔

تنازعہ کشمیراوربھارت کے ساتھ تعلقات کے حوالے سے وزیراعظم نے کہا کہ پاکستان بھارت سمیت اپنے تمام ہمسایہ ممالک سے اچھے تعلقات کا خواہشمند ہے ، تاہم انہوں نے کہا کہ بھارت کے ساتھ تعلقات کومکمل طورپرمعمول پرلانے اور تجارتی تعلقات بحال کرنے کے لئے ضروری ہے کہ بھارت پانچ اگست 2019 کے اقدامات کوواپس لے جس کے نتیجے میں بھارت کے غیرقانونی زیرقبضہ جموں وکشمیرکی محدود خودمختاری کوختم کیاگیاتھا۔

وزیراعظم نے کہا کہ بھارت کو مقبوضہ کشمیر میں اپنی ریاستی دہشت گردی اور وہاں آبادی کا تناسب تبدیل کرنے کاعمل فوری ختم کرناہوگا۔

انہوں نے کہا کہ ہم اس بات پرپختہ یقین رکھتے ہیں کہ اقوام متحدہ کی سلامتی کونسل کی قراردادوں اورکشمیری عوام کی خواہشات کے مطابق مسئلہ کشمیر کوحل کئے بغیرپائیدار امن قائم نہیں کیاجاسکتا۔