راولپنڈی : پہلے ٹیسٹ میچ میں انگلینڈ کا پاکستان کیخلاف بیٹنگ کا فیصلہ

پاک انگلینڈ تاریخی ٹیسٹ  10 بجے میچ کا آغاز ہوگا۔  انگلش کپتان بین اسٹوکس نے ٹاس جیتنے کے بعد کہا کہ پاکستان مشکل حریف ہے، اچھا کھیلنے کی کوشش کریں گے۔

اس موقع پر  بین اسٹوکس نے کہا کہ میچ کے لیے پُرجوش ہیں ، کپتان بابر اعظم نے کہا کہ پچ اچھی نظر آرہی ہے۔

انگلینڈ کی جانب سے ول جیکس اور لیام لیونگسٹن ٹیسٹ ڈیبیو کر رہے ہیں۔

انگلینڈ کے خلاف پاکستان کرکٹ ٹیم کے 11 کھلاڑیوں کے نام بھی سامنے آگئے ہیں۔

پاکستان کرکٹ بورڈ (پی سی بی) کی جانب سے ایک ویڈیو جاری کی گئی ہے جس میں آج کا میچ کھیلنے والوں کو پریکٹس کرتے دکھایا گیا ہے۔

2003 کے بعد پہلی بار ایک ٹیسٹ میچ میں 4 پلیئرز پاکستان کے لیے ڈیبیو کریں گے۔

پاکستان کی جانب سے محمد علی، زاہد محمود، حارث رؤف اور سعود شکیل کو ٹیسٹ کیپ دے دی گئی ہے۔

اس سے قبل اگست 2003 میں بنگلادیش کے خلاف کراچی ٹیسٹ میں چار کھلاڑیوں کا ڈیبیو ہوا تھا۔

خیال رہے کہ انگلینڈ کے میڈیکل پینل نے کھلاڑیوں کو پنڈی ٹیسٹ میں شرکت کیلئے کلیئرنس دیدی ہے ۔ انگلش ٹیم  کے  متعدد کھلاڑیوں میں وائرل انفیکشن کے باعث میچ کے آغاز پر خدشات تھے۔