منہاج یونیورسٹی میں1971ءجنگ کی فاتح" ہنگور آبدوز" ڈے کا انعقاد

رپورٹ کے مطابق پاک بحریہ کی آبدوز ہنگور کی یاد تازہ  اور اس بہادری کو یاد رکھنے کے لیے منہاج یونیورسٹی لاہور نے ایک سیمینار کا انعقاد کر کے ہنگور کی آپریشنل ٹیم کو خراج تحسین پیش کیا۔ 
 اس سیمینار کا اہتمام سینٹر آف ریسرچ اینڈ انوویشن ان میری ٹائم افیئرز (CRIMA) نے کیا تھا۔

تفصیلات کے مطابق پاک بحریہ کی آبدوز ہنگور ڈے تقریب کے مہمان مقرر کموڈور (ر) امجد زمان ستارہ امتیاز (ملٹری) تھے جنھوں نے یونیورسٹی کے سیمینار میں پریزینٹیشن دی اور طلباء و طالبات کے سوالوں کے جوابات بھی دیئے۔

 منہاج یونیورسٹی لاہور کے وائس چانسلر پروفیسر ڈاکٹر ساجد محمود شہزاد نے ہنگور کی شاندار کامیابیوں اور بہادری پر روشنی ڈالی۔

اس موقع پر ہیڈ آف ڈیپارٹمنٹ  ( سکول آٖ ف انٹرنیشنل ریلنشز  اینڈ پولیٹیکل سائنس ) ڈاکٹر اعظمیٰ ناز صاحبہ، ہیڈ آف ڈیپارٹمنٹ (سکول آف انگلش ) ڈاکٹر وقاصیہ ، ڈرئریکٹر(سینٹر آف ریسرچ اینڈ انوویشن ان میری ٹائم افیئرز) ڈاکٹر محمد اشفاق احمد، ڈاکٹر فاروق حسن مشوانی، ڈاکٹر علیم گیلانی اور ڈاکٹر نواب سجاد علی موجود تھے۔ 

تقریب کے اختتام پر وائس چانسلر پروفیسر ڈاکٹر ساجد محمود شہزاد نے ڈےکے مہمان مقرر کموڈور (ر) امجد زمان ستارہ امتیاز (ملٹری) کو اعزازی شیلڈ بھی دی۔