امراض قلب میں تیزی، ہر منٹ میں ایک مریض داخل ہو رہا ہے

پنجاب انسٹی ٹیوٹ آف کارڈیالوجی میں ہر منٹ بعد دل کا ایک مریض داخل ہورہا ہے، اسپتال کی ایمرجنسی دل کے مریضوں سے بھر گئی۔

پی آئی سی سربراہ پروفیسر بلال محی الدین کے مطابق سخت سردی میں ہر منٹ بعد دل کی تکلیف کا ایک مریض رپورٹ ہوتا ہے، سرد موسم میں دل کی تکلیف سے اموات کی شرح بھی بڑھ جاتی ہے۔

ماہرین کے مطابق سردیوں میں دل کی شریانیں تنگ ہوجانے کے باعث ہارٹ اٹیک کیسزتیزی سے بڑھ جاتے ہیں، سردیوں میں گرم کپڑوں سے اجتناب اور تقریبات میں مرغن غذاوں کا استعمال ہارٹ اٹیک کی وجہ بنتا ہے۔