گورنر سندھ کامران ٹیسوری نے نومولود بیٹے کو نہلانے کی ویڈیو شیئر کی

ٹوئٹر پر گورنر سندھ کی جانب سے ایک ویڈیو شیئر کی گئی جس میں انہیں ٹائی سوٹ پہنے نومولود بیٹے کو باتھ روم میں نہلاتے دیکھا جاسکتا ہے، ویڈیو میں گورنر سندھ کے بیٹے کا چہرہ ایموجی سے چھپایا گیا ہے۔

ویڈیو میں گورنر سندھ نے ملازمت کرنیوالے تمام والدوں کو مشورہ دیا کہ آپ نے اپنے بچوں کا بھی خیال رکھنا ہے، یہی وجہ ہے کہ میں بھی اپنے بیٹے ذوالقرنین کو نہلا رہا ہوں لہٰذا اپنے بچوں کا ایسے ہی خیال رکھیں۔

Being present for your #family as a father & husband is important. We want to create examples for our children specially boys to become an equally responsible partner at home. This will allow our girls and women to come out and become part of national development. pic.twitter.com/TdXAqsLY5C

— Kamran Tessori (@KamranTessoriPk) December 26, 2022

گورنر سندھ نے ویڈیو کے ساتھ ایک ٹوئٹ بھی  کی جس میں لکھا تھا کہ بطور والد اور شوہر خاندان کیلئے موجود ہونا ضروری ہے، ہم اپنے بچوں خصوصاً لڑکوں کو  گھر میں برابر کا ساتھی بنانے کیلئے ایک مثال قائم کریں، یہ عمل ہماری لڑکیوں اور خواتین کو قومی ترقی میں فعال کردار نبھانے میں مدد دے گا۔

گورنر سندھ کی ٹوئٹ پر  سوشل میڈیا صارفین کی جانب سے مختلف قسم کے تبصروں کا سلسلہ جاری ہے۔