ایشین کرکٹ کونسل کی جانب سے پی سی بی مینجمنٹ کمیٹی کے چیئرمین نجم سیٹھی کے بیان کو بے بنیاد قرار دے دیا

اے سی سی کے مطابق کیلنڈر کی ای میل 22 دسمبر کو کر دی گئی تھی، ممبر بورڈز کی جانب سے رسپانس موصو ل ہوئے، پاکستان کرکٹ بورڈ کی جانب سے اس حوالے تبصرہ تجاویز اور ترامیم موصول نہیں ہوئیں۔

بھارتی کرکٹ کے بارے میں بات کرتے ہوئے نجم سیٹھی نے کہا کہ بھارتی ٹیم پاکستان آتی نہیں اور ہمیں بھارت میں کھیلنے کا کہنا عجیب بات ہے، بی سی سی آئی اگر خودمختار ادارہ ہے تو انہیں سیاست سے دور رہنا چاہیے، نیوٹرل مقام پر کھیلنے کے حوالے سے حکومت سے بات کروں گا، اگر حکومت کی جانب سے اجازت ملی تو  ہی کھیلیں گے۔