الیکشن کمیشن نے محسن نقوی کو نگران وزیراعلیٰ پنجاب مقرر کر دیا

الیکشن کمیشن نے محسن نقوی کو نگران وزیراعلیٰ پنجاب مقرر کر دیا،

الیکشن کمیشن نے نگران وزیراعلیٰ پنجاب کا اعلان کر دیا۔ چیف الیکشن کمیشن اور چاروں ارکان نے محسن رضا نقوی کی متفقہ طور پر منظوری کا فیصلہ کیا ہے۔

فواد چودھری نے کہا ہے کہ متنازع شخص کی ہم وزیر اعلیٰ کی تقرری کو مسترد کرتے ہیں۔

الیکشن کمیشن نے کبھی مایوس نہیں کیا، محسن نقوی جیسے متنازعہ سخص کو وزیر اعلی مقرر کرنے کے فیصلے کو مسترد کرتے ہیں ، اس نظام کے خلاف سڑکوں پر جدوجہد کے علاوہ کوئ راستہ نہیں ۔۔ کارکنان تیاری کریں عمران خان کی قیادت میں بڑی مہم چلائیں گے

— Ch Fawad Hussain (@fawadchaudhry) January 22, 2023

واضح رہے کہ نگران وزیر اعلیٰ پنجاب کی تعیناتی کا معاملہ  حکومت اوراپوزیشن کے اتفاق نہ کرنے پر الیکشن کمیشن کے پاس چلا گیا تھا ، یاد رہے کہ  اپوزیشن کی جانب سے احد چیمہ اور  سید محسن رضا نقوی کا نام تجویز کیا گیا تھا ، جبکہ حکومت کی جانب سے احمد نواز سکھیرا اور نوید اکرم چیمہ کا نام تجویز کیا گیا تھا  لیکن اپوزیشن اراکین نے حکومت کے دونوں  کو رد کر دیا تھا۔

الیکشن کمیشن کو نگران وزیراعلیٰ پنجاب کی تعیناتی پر حکومت اور اپوزیشن کی جانب سے بھیجے گئے چاروں ناموں میں سے  کسی ایک کو میرٹ کی بنیاد پر سلیکٹ کرنا ہے ۔