پہلے کرنسی نوٹ چھاپے جاتے تھے اب پرچے چھاپے جارہے ہیں،فیصل جاوید

اسلام آباد: پاکستان تحریک انصاف رہنماء فیصل جاوید نے کہا کہپہلے کرنسی نوٹ چھاپے جاتے تھے اب پرچے چھاپے جارہے ہیں، جمہوریت میں آواز اٹھائی تو ہمارے خلاف پرچے کر دئیے گئے۔

فیصل جاوید نے کہا کہ میرے خلاف 13 پرچے چل رہے ہیں،ایک طرف ہم پر مقدمات درج کرائے جاتے ہیں تو دوسری جانب مذاکرات کی درخواست کرتے ہیں،حکمران کہتے ہیں پی ٹی آئی ہم سے بات چیت کریں لیکن حکمرانوں کا طور طریقہ ٹھیک نہیں ،ہم ان سے کیابات کریں۔

سینیٹر فیصل جاوید نے میڈیا سے گفتگوکے دوران شیخ رشید بارے بیان میں کہا کہ ہم شیخ رشید کے ساتھ کھڑے ہیں،شیخ رشید عوامی سیاست کرتے ہیں ان کو اس پر سزا دی گئی، صحافیوں کے خلاف ماضی میں بھی کارروائیاں کی گئیں،کوئی بل لانے کی کوشش کی جارہی ہے،بل صحافی تو کیاہمارے لیے بھی قابل قبول نہیں۔

ملک میں جوہورہاہے وہ بھی سب کیسامنے ہے، ملک میں انسانی حقوق کی خلاف ورزیاں ہورہی ہیں،مہنگائی بلند ترین سطح پرپہنچ گئی ہے،مخالفین پر مقدمات سے معیشت بہتر نہیں ہوتی، آئین کے مطابق 90روز میں الیکشن ضروری ہیں۔