لاہور : شہر کے مختلف علاقوں میں ٹریفک جام ، شہری خوار ہونے لگے

تفصیلات کے مطابق   مذہبی جماعت کے  کارکنان نے فیروز پور روڈ چونگی امرسدھو بند کردیا۔چونگی امرسدھو فیروز پور روڈ کے دونے جانب ٹرک کھڑے کرکے روڈ بلاک کیے گئے ہیں۔

شہر بھر میں احتجاجی دھرنوں کے باعث ٹریفک کا نظام درہم برہم ہوگیا،  شہریوں کو مشکلات کا سامنا منٹوں کا سفر گھنٹوں کا ہو گیا، 22 سے زائد مقامات احتجاجی دھرنے کے باعث ٹریفک کے لیے بند ہیں،  بند ہونے والے مقامات میں یتیم خانہ چوک ،خیابان چوک ، ٹھوکر نیازبیگ،دروغہ والا چوک شامل ہیں۔

جی این این کے مطابق چنگی امر سدھو،شاہدرہ چوک ،شادباغ ،جوڑے پل ،برکی روڈ ،بھٹہ چوک ، والٹن روڈ شامل ہیں ، کینال روڈ کاپر سٹور مصری شاہ ،ہربنس پورہ انٹرچینج ، شالامار چوک ، باگڑیاں چوک ،سندر روڈ شامل ہیں ۔ لاہور شہر کے داخلی و خارجی راستے بھی بند ہیں۔

دوسری جانب  کراچی میں بھی   شہر کے مختلف علاقوں میں ٹریفک جام ہوگیا۔  ٹاور ، صدر ، گارڈن، ایمپریس مارکیٹ ، فوارہ چوک پر گاڑیوں کی لمبی قطاریں لگ گئیں ۔  دفتر سے گھر جانے والوں کو شدید مشکلات کا سامنا ہے۔