سابق صدر جنرل ریٹائرڈ پرویز مشرف فوجی اعزاز کے ساتھ سپرد خاک

نمازجنازہ میں موجودہ اور سابق اعلی فوجی افسران اور سیاسی رہنماوں نےشرکت کی جبکہ نمازجنازہ ملیرکینٹ کے پولو گروانڈ میں ادا کی گئی، نمازجنازہ میں پرویز مشرف کے بیٹے بلال مشرف سمیت قریبی عزیزواقارب شریک ہوئے۔

چیئرمین جوائنٹ چیفس آف اسٹاف کمیٹی جنرل ساحر شمشاد مرزا، سابق چیئرمین جوائنٹ چیفس آف اسٹاف کمیٹی جنرل ریٹائرڈ احسان الحق،سابق آرمی چیفس جنرل ریٹائرڈ قمرجاوید باجوہ، جنرل ریٹائرڈ اشفاق پرویز کیانی سمیت دیگرسینئرعسکری حکام بھی نمازجنازہ میں شریک ہوئے۔

ایم کیوایم پاکستان کے سربراہ خالد مقبول صدیقی،فاروق ستار، وفاقی وزیرامین الحق اور سابق وفاقی وزیرقانون فروغ نسیم بھی جنازہ میں شریک ہوئے، تحریک انصاف کے رہنما فواد چودھری اور سید انور محمود نے بھی نماز جنازہ میں شرکت کی۔

پرویزمشرف طویل علالت کےبعد پانچ فروری کو دبئی کے اسپتال میں انتقال کرگئے تھے۔