عدالت نے ملزمہ دانیا کی ضمانت منظور کرلی

کراچی: ڈاکٹر عامر لیاقت مرحوم کی نازیبا ویڈیوز وائرل کرنے کے کیس میں سندھ ہائیکورٹ نے دانیا شاہ کی ضمانت منظور کرلی۔

جسٹس عمر سیال پر مشتمل سنگل بینچ نے عامر لیاقت حسین (مرحوم) کی نازیبا ویڈیوز وائرل کرنے کے مقدمے میں دانیہ شاہ کی درخواست ضمانت پر فیصلہ سنا دیا۔

دانیا شاہ کے وکیل کا کہنا ہے کہ یہ کیس بے بنیاد اور جھوٹ کی بنا پر بنایا گیا ہے، جن نمبروں سے ویڈوز وائرل ہونے کا ذکر کیا جاتا ہے وہ دانیا کے نہیں، یہ وہ باتیں ہیں جن کی بنیاد پر دانیہ شاہ کو جیل بھیجا گیا یہ کیس کمزور ہے دانیہ کو ضمانت دی جائے۔

عدالت نے ضمانت منظور کرتے ہوئے ملزمہ کو 2 لاکھ روپے کے ضمانتی مچلکے جمع کرانے کا حکم دیا ہے۔

یاد رہے کہ دانیہ شاہ کو دسمبر 2022 میں دعائے زہرہ کی شکایت پر لودھراں سے گرفتار کر کے کراچی منتقل کیا گیا تھا، دانیہ شاہ پر الزام عائد کیا گیا تھا کہ انہوں نے عامر لیاقت کی نازیبا ویڈیوز بنا کر انہیں وائرل کیا ہے، دانیا شاہ اڑھائی ماہ سے جیل میں ہیں۔