پاکستان دیوالیہ ہو نہیں رہا بلکہ ہوچکا ہے: وزیر دفاع

سیالکوٹ میں نجی کالج کے سالانہ کانووکیشن کی تقریب سے خطاب کے دوران خواجہ آصف نے کہا کہ پاکستان ڈیفالٹ ہو نہیں رہا، ہو چکا ہے، ہم ایک دیوالیہ ملک کے رہنے والے ہیں۔ ہمیں اپنے پیروں پر کھڑا ہونا ہو گا، ملک کے تمام مسائل کا حل ملک کے اندر ہی ہے، آئی ایم ایف کے پاس نہیں۔

وفاقی وزیر نے کہا کہ موجودہ صورتحال کے ذمہ دار اسٹیبلشمنٹ، بیورو کریسی اور سیاست دان سب ہیں، پارلیمنٹ میں مجھے 33 سال ہوگئے ہیں، میں نے 32سال میں ملک کی سیاست کو رسوا ہوتے دیکھا ہے۔

رہنما ن لیگ نے کہا کہ حکومت کی زمین پر گالف کلب بنے ہوئے ہیں، ان میں سے 2 گالف کلب بیچ دیجئے پاکستان کا ایک چوتھائی قرض اتر جائے گا، ایک گالف کلب 1500 کینال پر ہے اور کرایہ 5 ہزار روپے ہے۔

وزیر دفاع نے کہا کہ دہشت گردی کے خلاف اہلکاروں کی جانیں گئیں، ساری رات سیکیورٹی ادارےدہشت گردی کا مقابلہ کرتےرہے، دہشت گردوں کو2سال قبل خودملک میں بسایاگیا۔