جوڈیشنل مجسٹریٹ نے شیخ رشید کے موبائل فونز اور قیمتی گھڑیوں کی سپرداری کے متعلق درخواست مستردکر دی

شیخ رشید کے موبائل فونز اور قیمتی گھڑیوں کی سپرداری سے متعلق درخواست کی سماعت ڈسٹرکٹ اینڈ سیشن کورٹ اسلام آباد میں ہوئی۔

جوڈیشل مجسٹریٹ عمر شبیر نے شیخ رشید کی موبائل فونز اور قیمتی گھڑیوں کی سپرداری سے متعلق درخواست پر پہلے سے محفوظ فیصلہ سناتے ہوئے سربراہ عوامی مسلم لیگ کی درخواست خارج کر دی۔

یاد رہے کہ شیخ رشید کو سابق صدر آصف علی زرداری پر عمران خان کے قتل کے الزامات کے مقدمے میں گرفتار کیا گیا تھا اور دو روز قبل ہی ضمانت منظور ہونے کے بعد انہیں اڈیالہ جیل سے رہا کیا گیا تھا۔