الیکشن کمیشن نے صدر مملکت کے ساتھ انتخابات کی تاریخ پر مشاورت سے انکار

الیکشن کمیشن نے صدر مملکت عارف علوی کے ساتھ انتخابات کی تاریخ پر مشاورت سے انکار کردیا ہے۔صدر مملکت ڈاکٹر عارف علوی نے پنجاب اور خیبر پختونکوا اسمبلیوں کے اناتخابات کے لئے الیکشن کمیشن کو خط لکھا تھا ، جس میں انہوں نے ملاقات اور مشاورت کی دعوت دی تھی۔

چیف الیکشن کمشنر نے صدر مملکت کو گزشتہ روز جوابی خط بھجوایا تھا ، اس خط میں انہوں نے صدر مملکت کی جانب سے خط میں استعمال کئے گئے الفاظ پر تخفظات کا اظہار کیا تھا۔

سیکرٹری الیکشن کمیشن نے سیکرٹری ایوان صدر کو خط لکھا ہے ، جس میں کہا گیا ہے کہ آئین کے آرٹیکل 105 کے تحت تحلیل شدہ اسمبلی کے انتخابات کی تاریخ گورنر دے سکتا ہے، الیکشن کمیشن نے آئین کے تحت صوبہ پنجاب و کے پی گورنرز کو خطوط لکھے ۔

خط کے متن میں کہا گیا  کہ دونوں گورنرز نے تاحال الیکشن کے لیے تاریخ نہیں دی ، دونوں صوبوں میں عام انتخابات سے متعلق معاملہ مختلف عدالتوں میں زیر سماعت ہے، لاہور ہائیکورٹ نے اپنے حکم میں گورنر پنجاب سے مشاورت کا حکم دیا، الیکشن کمیشن حکام نے گورنر پنجاب سے مشاورت کی، گورنر نے انتخابات کی تاریخ نہ دی۔

ایوان صدر کو بتایا گیا ہے کہ انتخابات کی تاریخ کا معاملہ مختلف عدالتوں میں زیرالتوا ہے۔ عدالتوں میں زیرالتوا معاملے پر صدرمملکت سے مشاورت نہیں کرسکتے۔