اے این ایف کی کارروائیاں، 1679 کلوگرام سے زائد منشیات برآمد کر لی

اسلام آباد: اینٹی نارکوٹکس فورس (اے این ایف) پاکستان نے 1679.947 کلوگرام منشیات اور 586.800 لیٹر ہائیڈروکلورک ایسڈ (ایچ سی ایل) برآمد کی۔

 تفصیلات کے مطابق اے این ایف نے تین خواتین سمیت 34 افراد کو گرفتار کیا، 13 گاڑیاں قبضے میں لے کر 38 انسداد منشیات آپریشنز کیے گئے۔

 گزشتہ ہفتے کے دوران ملک اے این ایف کے ترجمان نے بتایا کہ پکڑی گئی منشیات میں 97.351 کلو گرام ہیروئن، 1404.696 کلو گرام چرس، 22.600 کلوگرام افیون، 154.150 کلو گرام میتھم فیٹامائن (آئس)، ایک کلو کرسٹل اور 0.150 کلوگرام گھاس شامل ہے۔

اے این ایف بلوچستان نے 9 کارروائیوں میں 902 کلوگرام منشیات اور 586.800 لیٹر ہائیڈروکلورک ایسڈ (HCL) برآمد کرکے ایک گاڑی کو قبضے میں لے لیا۔

پکڑی گئی منشیات میں 70 کلو ہیروئن، 682 کلو گرام چرس اور 150 کلو میتھم فیٹامائن (آئس) شامل ہے، پکڑی جانے والی منشیات کی قیمت بین الاقوامی سطح پر 57.941 ملین امریکی ڈالر ہے۔