پاکستان
جیل بھرو تحریک احتجاج کرنے کا پرامن طریقہ ہے،عمران خان
جیل بھرو تحریک سے حکومت بوکھلاہٹ کا شکار ہے،چیئرمین پاکستان تحریک انصاف
![جیل بھرو تحریک احتجاج کرنے کا پرامن طریقہ ہے،عمران خان](/media/50508/conversions/IMRAN-1280x720.jpg)
چیئرمین پاکستان تحریک انصاف اور سابق وزیر اعظم عمران خان نے کہا ہے کہ لوگوں کو بلا کو کہا گیا عمران خان پر کاٹا لگا دیا، ساتھ نہیں دینا، ہمارے ارکان کو بولا گیا پی ٹی آئی کا کوئی مستقبل نہیں۔
چیئرمین پی ٹی آئی عمران کان نے مزید کہا کہ گرفتار سینئر قیادت کے ساتھ دہشتگردوں جیسا سلوک کیا جا رہا ہے، پشاور میں بھی لوگ جیل بھرو تحریک کیلئے نکلے، ہماری حکومت گئی تو لوگوں کے ساتھ ناانصافی اور ظلم کیا گیا، ہمارے لوگوں کو گھروں سے اٹھایا گیا، میرے خلاف 70 مقدمات بنا دیئے گئے۔
سابق وزیر اعظم عمران خان نے کہا کہ 75 سالہ اعظم سواتی کو برہنہ کر کے تشدد کیا گیا، ویڈیو بنائی گئی، شہباز گل کو بھی تشدد کا نشانہ بنایا گیا، آئین کے مطابق عام آدمی کی عزت کو پامال نہیں کیا جا سکتا،سری لنکا میں عوام سڑکوں پر نکل آئے تھے، حکمرانوں کے گھر جلا دیئے تھے
انہوں نے مزید کہا کہ نواز شریف، شہباز شریف اور زرداری سے بڑا ڈاکو کوئی نہیں، حکمرانوں کو احساس نہیں عوام کا گزارہ کیسے ہو رہا ہے، مہنگائی کی وجہ سے گھروں میں لڑائیاں ہو رہی ہیں، موجودہ حکومت کہہ رہی ہے مزید مہنگائی بڑھے گی، ججزسے کہتا ہوں یہ فیصلہ کن وقت ہے۔
عمران خان نے کہا کہ نواز شریف اپنے امپائر کھڑے کر کے کھیلتا تھا، الیکشن کمیشن کو ہمارے خلاف استعمال کیا جا رہا ہے، نگران حکومت کا کام صاف اور شفاف انتخابات کرانا ہے، نگران حکومت 90 روز کے بعد کیسے رک سکتی ہے، ملک کی بدقسمتی ہے کہ مجرم اقتدار میں بیٹھے ہیں۔
پاکستان
سفر کٹھن ہے لیکن ناممکن نہیں، منزل تک ضرور پہنچیں گے، وزیراعظم
وزیراعظم شہباز شریف کی زیر صدارت ہونے والے وفاقی کابینہ کے اجلاس میں 10 نکاتی ایجنڈے پر غور کیا گیا
![سفر کٹھن ہے لیکن ناممکن نہیں، منزل تک ضرور پہنچیں گے، وزیراعظم](/media/116997/conversions/ShahbazSharif-1280x720.jpg)
وزیراعظم شہباز شریف نے کہا کہ ملک کی معیشت کو درست سمت میں آگے بڑھانے کے لیے بدعنوانی کے خاتمے اور سمگلنگ کو روکنے کی ضرورت ہے۔ سفر کٹھن ہے لیکن ناممکن نہیں، منزل تک ضرور پہنچیں گے۔
وزیراعظم شہباز شریف کی زیر صدارت ہونے والے وفاقی کابینہ کے اجلاس میں 10 نکاتی ایجنڈے پر غور کیا گیا۔
وزیراعظم شہباز شریف نے وفاقی کابینہ کے اجلاس میں اپنے خیالات کا اظہار کرتے ہوئے کہا کہ حکومت بین الاقوامی مالیاتی فنڈ (آئی ایم ایف) کے پروگرام کی شرائط کو پورا کرنے کے لیے بھرپور اقدامات کر رہی ہے اور امید ہے کہ تمام شرائط وقت پر پوری کر لی جائیں گی۔
وزیراعظم شہبازشریف نے کہا کہ حالیہ مہینوں میں ملک میں مہنگائی کی شرح کم ہوکر سنگل ڈجٹ پر آ گئی ہے، جو کہ گزشتہ سال کے اسی دورانیے میں 27 فیصد تھی۔ مہنگائی کا بوجھ آہستہ آہستہ کم ہو رہا ہے۔
شہباز شریف کا کہنا تھا کہ سفر کٹھن ہے لیکن ناممکن نہیں، منزل تک ضرور پہنچیں گے۔ ملک کی معیشت کو درست سمت میں آگے بڑھانے کے لیے بدعنوانی کے خاتمے اور سمگلنگ کو روکنے کی ضرورت ہے۔
وزیراعظم نے کہا کہ قومی وسائل کی کمی نہیں ، اخراجات کم کرنے کیلئے کوششیں کرنا ہوں گی۔ اخراجات میں کمی لانا اور وسائل کا موثر استعمال کرنا انتہائی اہمیت کا حامل ہے۔
وزیراعظم شہباز شریف کا یہ بھی کہنا تھا کہ مکمل طور پر آئی ایم ایف پروگرام کی شرائط کی تکمیل کے بعد ایک نئی اقتصادی راہ ہموار ہوگی ۔انہوں نے کہا کہ ہمیں یہ بات بھی ذہن میں رکھنی چاہئے کہ یہ پاکستان کی تاریخ کا آخری آئی ایم ایف پروگرام ہونا چاہیے۔
جنوبی امریکہ کی مارکیٹ ممکنہ طور پر پاکستانی مصنوعات کی لئے اچھی مارکیٹ ثابت ہو سکتی ہے
لیکن اب تک پاکستانی معیشت اس مارکیٹ کے ثمرات حاصل نہیں کر سکی۔ وزیراعظم نے ہدایت کی کہ معیشت سے متعلق تمام معاہدے اور مفاہمتی یادداشتیں جن پر عرصے سے کوئی کام نہیں ہوا ان پر تیز رفتاری سے کام کیا جائے۔
وفاقی کابینہ نے وزارت خارجہ امور کی سفارش پر البانیہ کی وزارت برائے یورپ اور خارجہ امور اورا سلامی جمہوریہ پاکستان کی وزارت خارجہ کے درمیان دوطرفہ سیاسی مشاورت سے متعلق مفاہمتی یادداشت پر دستخط کرنے کی منظوری دیدی۔
وفاقی کابینہ نے وزارت خارجہ امور کی سفارش پر Conference on Interaction and Confidence Building Measures in Asia (CICA) 2010 (کانفرنس آن انٹریکشن اینڈ کانفیڈینس بلڈنگ میژرز ان ایشیاء2010) کے سیکرٹریٹ، اس کے عملے اور رکن ممالک کے نمائندگان کے استحقاق اور استثنیٰ کے کنونشن کی توثیق کی منظوری دے دی۔
وفاقی کابینہ نے وزارت وفاقی تعلیم و پیشہ ورانہ تربیت کی سفارش پر وزارت کے سینئر جوائنٹ سیکرٹری سید جنید اخلاق کی بطور چیئرمین فیڈرل بورڈ آف انٹرمیڈیٹ اینڈ سیکنڈری ایجوکیشن (FBISE) میں تعیناتی کی مدت میں ریگولر افسر کی تعیناتی تک توسیع کی منظوری دے دی۔
وفاقی کابینہ نے مذہبی رواداری اور بین المذاہب ہم آہنگی پالیسی کے مسودوں کے حوالے سے ایک کمیٹی تشکیل کرنے کی منظوری دے دی۔ یہ کمیٹی اس حوالے سے تمام اسٹیک ہولڈرز سے مشاورت کرے گی اور ایک ماہ تک اپنی رپورٹ پیش کرے گی۔
وفاقی کابینہ نے کابینہ کمیٹی برائے لیجسلیٹو کیسز (CCLC) کے 26 اگست 2024 کو منعقد ہونے والے اجلاس میں لیے گئے فیصلوں کی توثیق کردی۔
جرم
فیصل آباد میں اغوا کیا گیا طالب علم بازیاب
ملزمان نے طالب علم کے خاندان سے 3 کروڑ روپے کا تاوان مانگا تھا، سی پی او فیصل آباد
![فیصل آباد میں اغوا کیا گیا طالب علم بازیاب](/media/116993/conversions/Kidnapped-Child-1280x720.jpg)
فیصل آباد : فیصل آباد کے علاقے مدینہ ٹاون سے اغوا کیے گئے نویں جماعت کے طالب علم ایان کو پولیس نے ایک کامیاب آپریشن کے بعد بازیاب کر لیا ہے۔
پولیس کے مطابق طالب علم کو پیر کی صبح گھر کے سامنے سے مسلح افراد نے اغوا کیا تھا۔ واقعے کی اطلاع ملتے ہی پولیس نے فوری کارروائی کرتے ہوئے ایک خصوصی ٹیم تشکیل دی۔ اس ٹیم نے تاوان وصول کرنے والے ملزمان کو موقع پاکر گرفتار کر لیا اور ان کی نشاندہی پر مغوی طالب علم کو ایک گھر سے بازیاب کرا لیا۔
سی پی او فیصل آباد کامران عادل نے بتایا کہ ملزمان نے طالب علم کے خاندان سے 3 کروڑ روپے کا تاوان مانگا تھا۔ پولیس نے ملزمان کے قبضے سے تاوان کی رقم بھی برآمد کر لی ہے اور ان کے خلاف مقدمہ درج کر لیا گیا ہے۔
پولیس نے بتایا کہ دو ملزمان کو گرفتار کر لیا گیا ہے جبکہ تیسرے ساتھی کی تلاش جاری ہے۔
تجارت
عالمی اور مقامی مارکیٹس میں سونے کی قیمت میں بڑی کمی
فی تولہ نرخ میں ایک ہزار روپے کی کمی سے سونا 2 لاکھ 61 ہزار 500 روپے کا ہوگیا
![عالمی اور مقامی مارکیٹس میں سونے کی قیمت میں بڑی کمی](/media/117025/conversions/gold-1280x720.jpg)
ملک میں سونے کی قمیت میں کمی ہو گئی۔
ملک بھر میں سونے کے فی تولہ نرخ ایک ہزار روپے کم ہو گئے، جس سے فی تولہ سونا 2 لاکھ 61 ہزار 500 روپے کا ہوگیا۔
اس کے برعکس دس گرام سونے کی قیمت میں 857 روپے کی کمی ہوئی جس سے 10 گرام سونا 2 لاکھ 24 ہزار 194 روپے تک پہنچ گیا۔
چاندی کی فی تولہ قیمت کوئی ردو بدل نہیں ہوا، فی تولہ چاندی کی قیمت 2950 روپے کی سطح پر برقرار ہے۔
عالمی مارکیٹ میں سونے کے فی اونس نرخوں میں 5 ڈالر کی کمی ہوئی ہے جس سے فی اونس سونا 2498 ڈالر کی سطح پر آگیا ہے۔
-
دنیا 22 گھنٹے پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
تجارت 2 دن پہلے
پیٹرولیم مصنوعات کی قیمتوں میں کمی کا اعلان
-
پاکستان 2 گھنٹے پہلے
عمران خان کا فوجی تحویل میں دیئے جانے کیخلاف ہائیکورٹ سے رجوع
-
دنیا 17 گھنٹے پہلے
امریکہ : وینزویلا کے صدر کا طیارہ ضبط
-
پاکستان 6 گھنٹے پہلے
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا
-
پاکستان ایک گھنٹہ پہلے
سردار اختر مینگل کا قومی اسمبلی کی رکنیت سے مستعفی ہونے کا اعلان
-
جرم ایک دن پہلے
اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی
-
علاقائی 2 دن پہلے
پنجاب میں کم آمدن والوں کے لیے گھر کا خواب شرمندہ تعبیر ہوگا، مریم نواز