پنجاب کے مختلف علاقوں میں بہار کی پہلی بارش، موسم خوشگوار

لاہور: شہر کے مختلف علاقوں میں رات سے ہی بوندا باندی شروع ہوگئی جو صبح تک وقفے وقفے سے جاری رہی۔

وفاقی دارلحکومت اسلام آباد میں بھی بارش درجہ حرارت گرنے سے جاتی سردی جیسے لوٹ آئی ہو۔

ابیٹ روڈ، لکشمی چوک، شملہ پہاڑی، کنال روڈ پر بارش جاری رہی، جس کے باعث درجہ حرارت میں کمی آگئی، سرد ہواؤں سے موسم خوشگوار ہوگیا۔

شیخوپورہ اٹک، پسرور اور گردونواح میں بھی بہار کی پہلی بارش ہوئی، بھکر، خوشاب، جوہر آباد اور اطراف میں گرج چمک کے ساتھ بارش کا سلسلہ جاری ہے۔

ذرعی ماہرین کا کہنا ہے کہ بارش کے باعث چنے اور گندم کی فصل پر مثبت اثرات ہونگے۔