ہم نہیں بھولے، ناصر کاظمی کی 51 ویں برسی آج 

اسلام آباد: اردو کے معروف شاعر ناصر کاظمی کی 51 ویں برسی جمعرات کو ملک بھر میں منائی جا رہی ہے۔

ناصر کاظمی کی شاعری کو خراج تحسین پیش کیا جا رہا ہے،  آپ کا شمار اپنے عہد کے عظیم شاعروں میں ہوتا تھا۔

 8 دسمبر 1925 کو برطانوی ہندوستان میں امبالا میں پیدا ہوئے،انہوں نے امبالہ، شملہ اور لاہور سے تعلیم حاصل کی، قیام پاکستان کے بعد وہ لاہور آگئے۔

صحافت میں خدمات:
انھوں نے اوراقِ نو کے ساتھ بطور ایڈیٹر کچھ صحافتی کام کیا اور 1952 میں میگزین کے چیف ایڈیٹر بنے۔

بعد ازاں
ریڈیو پاکستان اور دیگر ادبی مطبوعات اور تنظیموں سے وابستہ رہے۔ناصر کاظمی نے اپنی شاعرانہ زندگی کا آغاز 1940 میں اختر شیرانی کے اسلوب پر عمل کرتے ہوئے کیا اور رومانوی نظمیں اور سانیٹ لکھے۔

انہوں نے حفیظ ہوشیار پوری کی رہنمائی میں غزلیں بھی لکھنا شروع کیں۔ وہ میر تقی میر کے بہت بڑے مداح تھے۔ ان کی شاعری کو پاکستان ٹیلی ویژن (PTV) کے سنہری دور اور پاکستانی فلموں کے ڈراموں میں کئی گانوں میں استعمال کیا گیا ہے۔