عوام کیلئے خوشخبری ، پٹرولیم مصنوعات کی قیمتوں میں کمی کا امکان

تفصیلات کے مطابق پاکستان میں پیٹرولیم مصنوعات 2 روپے فی لٹر تک سستی ہونے کا امکان ہے۔ آئل اینڈ گیس ریگولیٹری اتھارٹی(اوگرا) نے  قیمتوں میں کمی کی سمری متعلقہ حکام کو بھجوا دی ہے۔پیٹرولیم ڈویژن حکام  کاکہنا ہے  کہ سمری میں   پیٹرول 2 روپے فی لٹر سستا کرنے کی سفارش کی ہے جبکہ  ڈیزل کی قیمت میں بھی 2 روپے کمی کی تجویز بھجوائی گئی ہے۔

آئل اینڈ گیس ریگولیٹری اتھارٹی (اوگرا) کی جانب سے آئندہ 15 روز کے لیے پیٹرولیم مصنوعات کی قیمتوں میں رد و بدل کی سمری پیٹرولیم ڈویژن حکام کو ارسال کی گئی ہے۔   اوگرا نے اپنی سمری میں عالمی مارکیٹ میں خام تیل کی قیمتوں کو مدنظر رکھتے ہوئے پیٹرولیم لیوی میں اضافہ نہ کرنے کی تجویز دی ہے۔وزیر اعظم عمران خان کی منظوری کے بعد نئی قیمتوں کا اعلان آج شام تک کیے جانے کا امکان ہے۔ کمی کے بعد پٹرول کی نئی قیمت 108.35 روپے ہو جائے گی۔ ڈیزل کی قیمت کم ہو کر 111.08 روپے ہو جائے گی۔

واضح رہے کہ رواں برس  31 مارچ کو بھی حکومت نے پیٹرول اور ڈیزل کی قیمتوں میں کمی کی تھی۔