باپ نے4 سالہ بیٹی کوسینے سے باندھ کرنہرمیں چھلانگ لگا دی

صوبہ پنجاب کےضلع مظفر گڑھ کی تحصیل علی پو میں ایک افسوس ناک واقعہ پیش آیا ہے، جہاں غربت کےمارے باپ نے چار سالہ بیٹی کوسینے سے باندھ کرنہرمیں چھلانگ لگا  کر خود کشی کرلی۔

علی پور کے تھانہ صدر کی حدود میں واقع ہیڈ پنجند میں احمد پور شرقیہ کے رہائشی 53 سالہ محمد سلیم نے چار سالہ بیٹی عباسیہ کے ساتھ نہر میں چھلانگ لگائی۔عینی شاہ کے مطابق سلیم نے بیٹی کو کپڑے سے اپنے ساتھ باندھا اور پھر نہر میں چھلانگ لگا دی۔

دوسری جانب پولیس کا کہنا ہے کہ بیٹی سمیت نہر میں چھلانگ لگانے والا محمد سلیم احمد پور شرقیہ ضلع بہاولپور کا رہائشی تھا، اور اس کا مبینہ طور پر اپنی بیوی کے ساتھ گھریلو جھگڑے کی وجہ سے رنجیدہ تھا۔