لاہور ہائیکورٹ کی 1990 سے 2001 کا توشہ خانہ ریکارڈ پیش کرنے کی ہدایت 

لاہور: لاہور ہائیکورٹ میں توشہ خانہ کی تفصیلات کیلئے درخواست پر 13 مارچ کی سماعت کا عبوری تحریری حکم جاری کردیا۔
 
جسٹس عاصم حفیظ نے توشہ خانہ کا 1990ء سے 2001ء کا ریکارڈ پیش کرنے کی ہدایت کردی، وفاقی حکومت کے وکیل توشہ خانہ کی 2002ء کے بعد کی تفصیلات کی مصدقہ کاپی ریکارڈ پر لائیں۔

1990ء سے 2001ء کاریکارڈ کا آئندہ سماعت پر اوپن کورٹ میں جائزہ لیا جائے گا۔

کابینہ کے سیکشن افسر نے بتایا کہ 1990 سے 2001 کا ریکارڈ جزوی طور پر مکمل ہے ،ایڈیشنل اٹارنی جنرل نے کہا کہ کابینہ نے تحائف کے ذرائع کو کلاسیفائیڈ رکھنے کا فیصلہ کیا۔ 

جسٹس عاصم حفیظ نے کہا کہ توقع نہیں ہے کہ کسی کو بھی مقدس گائے سمجھا جائیگا۔