قانون کی بالادستی کویقینی بنایا جائے،شبلی فراز

تحریک انصاف کے سینیٹرشبلی فراز کاکہنا ہے کہ اب وقت آگیا ہے کہ قانون کی بالادستی کویقینی بنایا جائے۔عوام عمران خان کے پیچھے کھڑی ہے۔اسلام آبادمیں میڈیا سے گفتگو کرتے ہوئے سینیٹرشبلی فراز کاکہنا تھا کہ 24گھنٹے ظلم اور تشدد کابازار گرم کیا ہوا تھا۔

شبلی فراز نے کہا کہ پاکستان تحریک انصاف کے کارکنوں،بچوں اور خواتین پرتشدد کیاگیا۔خان صاحب اپنے اوپر قاتلانہ حملے سے پہلے ہرعدالت جاتے رہے ہیں۔ ہماراموقف تھا کہ عدالتوں میں ضرورجائیں گے۔یہ لوگ عمران خان کو کسی طریقے سے شکست نہیں دے سکتے۔

یہ وہ لوگ ہیں جنہوں نے 75سال سے ملک کو آگے بڑھنے نہیں دیا۔قانون کی بالادستی ،آئین پرعملدرآمد یقینی بنایا جائے۔آئین میں صاف لکھا ہے 90دن میں الیکشن ہوں۔رہنماتحریک انصاف کاکہنا تھا کہ آڈیوویڈیوپروڈکشن کی ایکسپرٹ مریم نواز ہیں۔صدرمملکت کی آڈیوبھی ٹیپ ہورہی ہیں جوشرم کا مقام ہے۔