پہلا کوالیفائر، قلندرز کو 84 رنز سے شکست، سلطانز فائنل میں پہنچ گئی

قذافی اسٹیڈیم میں کھیلے گئے میچ میں ملتان سلطانز نے لاہور قلندرز کے خلاف ٹاس جیت کر پہلے بیٹنگ کا فیصلہ کیا ۔

لاہور قلندرز ملتان سلطانز کی جانب سے دیا گیا 161 رنز کا ہدف حاصل کرنے میں ناکام رہی اور پوری ٹیم 76 رنز بنا کر آؤٹ ہو گئی۔

قلندرز کی جانب سے سیم بلنگز 19 اور حارث 15 رنز کے ساتھ نمایاں رہے، سلطانز کے شیلڈون کوٹریل نے تین جب کہ اسامہ میر نے دو کھلاڑیوں کو آؤٹ کیا۔

دفاعی چیمپئن لاہور قلندرز اب اسلام آباد یونائیٹڈ اور پشاور زلمی میں سے کسی ایک ٹیم سے دوسرا ایلیمنیٹر میچ کھیلے گی۔

اس سے پہلے ملتان سلطانز نے لاہور قلندرز کے خلاف ٹاس جیت کر پہلے بیٹنگ کا فیصلہ کیا ۔

سلطانز کی جانب سے کیرن پولارڈ نے ففٹی اسکور کی جب کہ محمد رضوان 33، محمدعثمان 29 اورٹم ڈیوڈ 22 رنز بنا کر نمایاں رہے۔

لاہور قلندرز کی جانب سے حارث روف نے 3 وکٹیں حاصل کیں۔