ملک بھر میں 24 گھنٹوں کے دوران کورونا وائرس کے100نئے کیس رپورٹ

اسلام آباد: ملک بھر میں 24 گھنٹوں کے دوران کورونا وائرس کے100 نئے کیس رپورٹ ہوئے ہیں جن میں سے 18 مریضوں کی حالت تشویش ناک ہے۔

پیرکوقومی ادارہ صحت (این آئی ایچ) کی جانب سے جاری اعدادوشمار کے مطابق ملک بھر میں 24 گھنٹوں کے دوران کورونا وائرس کے 3 ہزار147 ٹیسٹ کیے گئے جن میں سے 100 افراد کے ٹیسٹ مثبت آئے۔

مثبت شرح3.18 فیصد رہی اور اس دوران کورونا وائرس سے کوئی مریض جاں بحق نہیں ہوا تاہم 18 کی حالت تشویشناک ہے۔

گزشتہ 24 گھنٹوں کے دوران ملک کے مختلف شہروں کئے گئے کورونا ٹیسٹ اور مثبت کیسز کے حوالے سے لاہور میں 435 ٹیسٹوں میں 18 افراد کے ٹیسٹ مثبت آئے اور وہاں پر شرح 4.14 فیصد رہی۔

اسی طرح اسلام آباد میں205 ٹیسٹوں میں 25 افراد کے ٹیسٹ مثبت آئے اور شرح 12.20 فیصد رہی جبکہ گجرات میں کئے گئے 120 ٹیسٹوں میں سے ایک فرد کا ٹیسٹ مثبت آیا اور ہاں پر مثبت کیسوں کی شرح 0.83فیصد رہی۔