جی این این سوشل

جرم

چیئرمین سینیٹ محمد صادق سنجرانی کا یوم پاکستان کے موقع پر پیغام

ملک کی ترقی و خوشحالی کیلئے مشترکہ لائحہ عمل ناگزیر ہے

پر شائع ہوا

کی طرف سے

چیئرمین سینیٹ محمد صادق سنجرانی کا یوم پاکستان کے موقع پر پیغام
جی این این میڈیا: نمائندہ تصویر

اسلام آباد: چیئرمین سینیٹ محمد صادق سنجرانی نے کہا ہے کہ 23 مارچ کا دن تاریخی اعتبار سے انتہائی اہمیت کا حامل ہے جب ہمارے آباؤ اجداد نے قائد اعظم محمد علی جناحؒ کی زیر قیادت اپنی تقدیر بدلنے کا اہم فیصلہ کیا اور ایک علیحدہ ریاست کے قیام کیلئے حتمی لائحہ عمل اختیار کیا۔

آج ہی کے دِن لاہور میں قائد اعظم محمد علی جناحؒ کی قیادت میں وہ تاریخ ساز قرار داد منظور کی گئی تھی جو بعد میں قرار داد پاکستان کے نام سے مشہور ہوئی، اِس قراراداد نے منزل کا واضح شعور دیا جس کی وجہ سے صرف 7سال کے اندر مملکت پاکستان معرضِ وجود میں آگیا۔

سینٹ سیکرٹریٹ کے مطابق یوم پاکستان کے موقع پر اپنے خصوصی پیغام میں قوم کو مبارکباد پیش کرتے ہوئے محمد صادق سنجرانی نے کہا کہ ہمیں اس دن کی اہمیت کو حقیقی معنوں میں سمجھنے کی ضرورت ہے، ملک کی ترقی و خوشحالی کیلئے مشترکہ لائحہ عمل ناگزیر ہے، پاکستان امن پسند اور محبت کرنے والا ملک ہے اور اگر کسی نے ہماری خود مختاری اور علاقائی سلامتی کو چیلنج کرنے کی ہمت کی تو ہم بھر پور جواب دینے کی صلاحیت رکھتے ہیں۔

افواج پاکستان نے نہ صرف ملکی دفاع کو ناقابل تسخیر بنایا ہے بلکہ عالمی سطح پر دہشت گردی اور امن دشمنوں کے خلاف کارروائیوں میں کلیدی کردار ادا کیا ہے، افواج پاکستان کا شمار دنیا کی بہترین پیشہ وارانہ اور نڈر افواج میں ہوتا ہے۔

چیئرمین سینیٹ نے کہا کہ قائداعظم محمد علی جناحؒ کے افکار اور رہنما اصولوں اتحاد، ایمان اور تنظیم پر عمل کرتے ہوئے پاکستان کے تمام مسائل کو حل کیا جا سکتا ہے اور ملکی ترقی و خوشحالی کیلئے ہم سب کو سیاسی وابستگیوں سے بالا ترہو کر اقدامات اٹھانا ہوں گے۔

چیئرمین سینیٹ نے کہا کہ ہمیں ماضی کی غلطیوں اور مسائل سے سبق سیکھتے ہوئے ملک کے روشن مستقبل کے لئے موثر حکمت عملی اختیار کرنے کی ضرورت ہے۔پاکستان برصغیر کے مسلمانوں کی انتھک جدوجہد، جانی و مالی قربانیوں سے معرضِ وجود میں آیا۔

اس کی بقاء، سلامتی، یکجہتی، ترقی وخوشحالی کیلئے ملک کی تمام سیاسی جماعتوں اور اداروں کو مشترکہ لائحہ عمل اختیار کرنا چاہیے تاکہ لاکھوں جانی قربانیوں سے حاصل ہونے والا ملک ترقی وخوشحالی کی جانب گامزن ہو سکے۔

اس دن کا سب سے بڑا درس یہ ہے کہ ہم مل کر تمام حالات کا مقابلہ کر سکتے ہیں اگر ہم مل کر ایک جدوجہد کے بعد ایک عظیم ریاست بنا سکتے ہیں تو ہم متحد ہوکر اس ریاست کی تقدیر بھی بدل سکتے ہیں اور آج کے دور میں اس کی اشد ضرورت بھی ہے کہ ہم متحد ہو کر ملک کی ترقی و خوشحالی کے لئے کام کر سکیں۔

آیئے ہم سب پختہ عہد کریں کہ وطن عزیز کی مضبوطی اور سربلندی کے لئے ہم ایک زندہ اور پر عزم قوم کے طو رپر دنیا بھر میں اپنا لوہا منوائیں اورمفکر پاکستان علامہ محمد اقبالؒ او ر بابائے قوم قائد اعظم محمد علی جناح ؒ کے افکار کو مشعلِ راہ بناتے ہوئے اپنے مستقبل کا تعین کریں۔اللہ ہم سب کا حامی و ناصر ہو۔

 

 

تفریح

شاہ رخ خان کی اپنے گھر منت کی بالکونی سے مداحوں کو عید کی مبارکباد

میگا اسٹار شاہ رخ خان کے ممبئی میں واقع گھر منت کے باہر ہزاروں مداح عید کی مبارکباد دینے جمع ہوئے

پر شائع ہوا

ویب ڈیسک

کی طرف سے

شاہ رخ خان کی  اپنے گھر منت کی بالکونی سے مداحوں کو عید کی مبارکباد

بالی ووڈ کے بادشاہ شاہ رخ خان نے اپنے گھر منت کی بالکونی سے مداحوں کو عید کی مبارکباد دی۔

ہر سال کی طرح اس بار بھی عید پر بالی ووڈ کے میگا اسٹار شاہ رخ خان کے ممبئی میں واقع گھر منت کے باہرعید کی مبارک باد دینے جمع ہوئے۔ شاہ رخ خان نے بھی حسب روایت اپنے گھر کی بالکونی میں آ کر مداحوں کو عید کی مبارک باد دی۔

 
 
 
 
 
View this post on Instagram
 
 
 
 
 
 
 
 
 
 
 

A post shared by Shah Rukh Khan (@iamsrk)

شاہ رخ خان کے چھوٹے بیٹے ابرام خان نے بھی فینز کو ہاتھ ہلا کر عید مبارک باد کہا۔ شاہ رخ خان اور ان ابرام خان نے سفید رنگ کا شلوار سوٹ پہن رکھا تھا۔

اداکار نے سوشل میڈیا پر فینز سے ملاقات کی ویڈیو شئیر کرتے ہوئے لکھا کہ سب کو عید کی مبارک باد۔ میرے دن کو خاص بنانے کے لیے آپ سب کا شکریہ۔ اللہ تعالیٰ ہم سب کو محبت، خوشی اور خوشحالی سے نوازے۔

شاہ رخ خان کی اپنے بیٹے کے ساتھ ویڈیو سوشل میڈیا پر وائرل ہوگئی۔


 

پڑھنا جاری رکھیں

پاکستان

اسماعیل ہنیہ کے بیٹوں اور پوتوں کی شہادت اسرائیل کی ناکامی ، مولانا فضل الرحمان

شہداء کی شہادت صرف فلسطینی قوم کا ہی نہیں بلکہ پوری اسلامی دنیا کا نقصان ہے، سربراہ جے یو آئی

پر شائع ہوا

ویب ڈیسک

کی طرف سے

اسماعیل ہنیہ کے بیٹوں اور پوتوں کی شہادت اسرائیل کی ناکامی ، مولانا فضل الرحمان

سربراہ جمعیت علما اسلام فضل الرحمان نے اسماعیل ہنیہ کے بیٹوں اور پوتوں کی شہادت کو  اسرائیل کی ناکامی قرار دے دی۔

جمعیت علما اسلام کے سربراہ مولانا فضل رہنما نے حماس رہنما اسماعیل ہنیہ کے بیٹوں اور پوتوں کی اسرائیلی حملے میں شہادت پر شدید الفاظ میں مذمت کرتے ہوئے انہیں تعزیتی خط ارسال کردیا۔

 مولانا فضل الرحمان نے اسماعیل ہنیہ کے نام بھیجے گئے خط میں اپنی اور جمعیت علما اسلام کی جانب سے بیٹوں اور پوتوں کی شہادت پر تعزیت کرتے ہوئے لواحقین کے لیے صبر جمیل اور شہدا کی کامل مغفرت کے لیے دعا بھی کی۔

 اپنے خط میں مولانا فضل الرحمان نے لکھا کہ تحریک فلسطین کے قائدین کے خاندانوں اور اولادوں کو نشانہ بنانا دراصل دشمن کی ناکامی کا اعتراف ہے، اسرائیل کے جارحانہ اقدامات تحریک جہاد کی جرأت و بسالت اور بزدل صہیونی فوج کے مقابلے میں مضبوط منصوبہ بندی کا اعتراف ہیں۔

اُنہوں نے لکھا کہ شہداء کی شہادت صرف فلسطینی قوم کا ہی نہیں بلکہ پوری اسلامی دنیا کا نقصان ہے، انشاء اللہ شہدا کا خون رائیگاں نہیں جائے گا۔ ہم حماس کی جہاد میں کی گئی کوششوں کی تائید کرتے ہیں اور عالمی برادری سے فلسطینیوں پر جاری جبر و تشدد کے ہمیشہ کے لیے خاتمے کا مطالبہ کرتے ہیں۔

 اپنے خط میں فضل الرحمان نے لکھا کہ اسپتالوں اور پناہ گزینوں کے خیموں کو نشانہ بنانے کی مذمت اور اظہار افسوس کرتے ہیں، فلسطینی مسئلے کے منصفانہ حل کے لیے جمعیت علماء اسلام اپنی آواز بلند کرتی رہے گی اور قابل قبول حد تک فلسطینیوں کے شانہ بشانہ کھڑی رہے گی۔

 فضل الرحمان نے دعا کی کہ اللہ رب العزت شہدا کو اپنی رحمت سے جنت میں داخل فرمائے۔ (آمین)

پڑھنا جاری رکھیں

تجارت

ایشیائی ترقیاتی بینک کی رپورٹ حکومت کی مضبوط معاشی پالیسیوں کی توثیق ہے، احد چیمہ

وزیراعظم شہباز شریف کی قیادت میں مستحکم اور پائیدار معیشت کے لیے کام شروع ہو چکا ہے، وفاقی وزیر اقتصادی امور

پر شائع ہوا

ویب ڈیسک

کی طرف سے

ایشیائی ترقیاتی بینک کی  رپورٹ حکومت کی مضبوط معاشی پالیسیوں کی توثیق ہے، احد چیمہ

وفاقی وزیر اقتصادی امور احد چیمہ نے ایشیائی ترقیاتی بینک (اے ڈی بی) کی ایشین ڈویلپمنٹ آوٹ لْک رپورٹ اپریل 2024 کو حکومت کی درست اقتصادی پالیسیوں کی توثیق قرار دیتے ہوئے کہا کہ ملک میں مہنگائی کم ہو رہی ہے، اس کی تصدیق عالمی مالیاتی ادارے بھی کر رہے ہیں۔

وفاقی وزیر برائے اقتصادی امور احد چیمہ نے کہا کہ ایشیائی ترقیاتی بینک (اے ڈی بی) کی آؤٹ لک رپورٹ حکومت کی مضبوط معاشی پالیسیوں کی توثیق ہے۔اے ڈی بی کی رپورٹ میں پاکستان کی معیشت کے بارے میں مثبت امکانات کا اظہار کیا گیا ہے۔

انہوں نے کہا کہ وزیراعظم شہباز شریف کی قیادت میں مستحکم اور پائیدار معیشت کے لیے کام شروع ہو چکا ہے۔ اس کی تصدیق بین الاقوامی مالیاتی اداروں نے بھی کی ہے کہ ملک میں مہنگائی کم ہو رہی ہے۔ مالیاتی نظم و ضبط کو بہتر بنانے اور سرمایہ کاری کے فروغ کے لیے کام کر رہے ہیں۔

احد چیمہ نے کہا کہ پاکستان کا زرعی شعبہ مضبوط ہے اور اس میں اضافی ترقی کی صلاحیت موجود ہے، حکومت ایشیائی ترقیاتی بینک کی سفارشات پر عمل کرنے کے لئے پرعزم ہے۔ ہم ایک ایسی معیشت بنانے کے لئے کام جاری رکھیں گے جس میں تمام پاکستانیوں کے لئے مواقع دستیاب ہوں۔

واضح رہے کہ ایشیائی ترقیاتی بینک نے ایشین ڈویلپمنٹ آوٹ لْک رپورٹ اپریل 2024ء جاری کی ہے، ایشیائی ترقیاتی بینک نے پاکستان کے لئے اقتصادی اصلاحات کو اہم قرار دیا ہے اور رواں مالی سال کے دوران پاکستان کی شرح نمو 1.9 فیصد رہنے کی توقع کا اظہار کیا ہے۔

آئوٹ لک رپورٹ میں پاکستان کی آئندہ مالی سال کے لئے شرح نمو 2.8 فیصد ہونے کا تخمینہ  لگایا  گیا  ہے۔ رپورٹ کے مطابق پاکستان میں آئندہ مالی سال کے دوران مہنگائی میں مزید کمی آنے کی امید ہے جبکہ مہنگائی کی شرح 15 فیصد تک آ جائے گی۔

پڑھنا جاری رکھیں

ٹرینڈنگ

Take a poll