لندن: آسٹریلیا اور بھارت کی کرکٹ ٹیموں کے درمیان ورلڈٹیسٹ چیمپئن شپ کا فائنل میچ 7 جون سےکیننگٹن اوول، لندن میں شروع ہوگا۔

قبل ازیں نیوزی لینڈ کی سری لنکا کے خلاف کرائسٹ چرچ ٹیسٹ میچ میں فتح کے ساتھ ہی بھارت نے ورلڈٹیسٹ چیمپئن شپ کے فائنل کیلئے کوالیفائی کر لیا تھا۔ آسٹریلیا اور بھارتی ٹیموں کو عالمی ٹائٹل کے حصول کیلئے 7جون سے ورلڈ ٹیسٹ چیمپئن شپ کے فائنل میں پنجہ آزمائی کرنا ہے۔

ورلڈ ٹیسٹ چیمپئن شپ کی فائنل لائن اپ مکمل ہوچکی ہے جس کا فائنل میچ آسٹریلیا اور بھارت کے درمیان7 جون سے انگلینڈ میں شیڈول ہے۔ دونوں فائنلسٹ ٹیمیں رواں ماہ کے آخر میں انگلینڈ پہنچ جائیں گی۔ آسٹریلوی ٹیم فائنل میچ کھیلنے کے بعد انگلینڈ میں ہی رکے گی جہاں وہ میزبان انگلینڈ کے خلاف ایشز سیریز کھیلے گی۔

آسٹریلوی ٹیم کی قیادت مایہ ناز فاسٹ بائولر پیٹ کمنز کریں گے جبکہ بھارتی ٹیم کو مایہ ناز بلے باز روہت شرما لیڈ کریں گے۔آئی سی سی ورلڈ ٹیسٹ چیمپئن شپ کا فائنل میچ آسٹریلیا اور بھارت کی کرکٹ ٹیموں کے درمیان انگلینڈ میں کھیلا جائے گا۔

آئی سی سی ورلڈ ٹیسٹ چیمپئن شپ کے فائنل کی فاتح ٹیم 16 لاکھ امریکی ڈالر انعام کی حقدار ٹھہرے گی۔ رنر اپ ٹیم کو 8 لاکھ امریکی ڈالر انعام میں ملیں گے۔ آئی سی سی ورلڈ ٹیسٹ چیمپئن شپ کا فیصلہ کن میچ 7 سے 11 جون تک اوول، لندن میں کھیلا جائے گا جبکہ 12 جون ریزرو ڈے رکھا گیا ہے۔

ٹورنامنٹ کی انعامی رقم چیمپئن شپ کے افتتاحی ایڈیشن کے برابر تھی ۔کین ولیمسن کی زیرقیادت نیوزی لینڈ کی ٹیم نے دو سال قبل ساؤتھمپٹن ​​میں بھارتی ٹیم کو فائنل میں 8وکٹوں سے شکست دی تھی اور فاتح قرار پائی تھی اور فاتح ٹیم کو شاندار میس کے علاوہ 16لاکھ امریکی ڈالر انعام دیا گیا تھا۔

آئی سی سی ورلڈ ٹیسٹ چیمپئن شپ 2021-23 کے تمام 9 ٹیموں میں 38لاکھ امریکی ڈالر کی انعامی رقم تقسیم ہوگی۔ جنوبی افریقہ نے آئی سی سی ورلڈ ٹیسٹ چیمپئن شپ 23 ۔ 2021 سٹینڈنگ میں تیسری پوزیشن حاصل کر کے 4 لاکھ 50ہزار امریکی ڈالر حاصل کئے ہیں۔انگلینڈ کی ٹیم آئی سی سی ورلڈ ٹیسٹ چیمپئن شپ کے ٹیبل پر چوتھی پوزیشن حاصل کی ہے جس پر وہ 3لاکھ 50ہزار امریکی ڈالر انعام کی حقدار ٹھہری ہے۔

اسلام آباد: وزیراعظم محمد شہباز شریف کل انقرہ میں ترک صدر رجب طیب اردوان کی حلف برداری کی تقریب میں شرکت کریں گے۔

وزیراعظم یہ دورہ صدر اردوان کی دعوت پر کر رہے ہیں جو گزشتہ ہفتے مسلسل تیسری مدت کیلئے صدر کے عہدے پر منتخب ہوئے۔

وزارت خارجہ کی ترجمان نے ایک بیان میں کہا کہ وزیراعظم پاکستان کی حکومت اور عوام کی طرف سے صدر اردوان کو مبارکباد پیش کریں گے۔

وہ ترک صدر کو اسلام آباد میں ہونے والے اعلیٰ سطحی تزویراتی تعاون کونسل کے ساتویں اجلاس میں شرکت کی دعوت بھی دیں گے۔
 

اسلام آباد: قومی اسمبلی کی قائمہ کمیٹی برائے خزانہ کے اجلاس کے دوران گفتگو کرتے ہوئے وزیر مملکت برائے خزانہ عائشہ غوث پاشا نے کہا کہ آئی ایم ایف ہماری کسی بات پر یقین نہیں کر رہا، وہ نویں جائزہ کی جگہ دسویں اقتصادی جائزہ کی باتیں منوا رہا ہے۔

بجٹ اہداف دسویں اقتصادی جائزے کے تحت شیئر کیے جاتے تھے لیکن ہم مجبور ہیں اس لیے آئی ایم ایف کی تمام شرطیں ماننی پڑ رہی ہیں۔

عائشہ غوث پاشا نے کہا کہ معیشت کا بگاڑ ٹھیک کرنے میں مزید کئی ماہ لگیں گے، آئندہ بجٹ ٹیکس فری نہیں دے سکتے، ٹیکس آمدن نہ بڑھائی تو خسارہ بے قابو ہوجائے گا۔

وزیر مملکت خزانہ نے بتایا کہ ملکی اکانومی چند ماہ میں ٹھیک نہیں ہو سکتی، آئی ایم ایف پروگرام کے بغیر کوئی چارہ نہیں ہے، آئی ایم ایف پروگرام کو مکمل کرنا چاہتے ہیں کیونکہ اس کے بغیر ملکی معیشت کو چیلنجز ہیں، کوشش کریں گے۔

وزیر اعظم کی ایم ڈی آئی ایم ایف سے بات چیت کے مثبت نتائج آنے کاامکان ہے، اسٹاف لیول معاہدے کے بعد حالات بہتر ہوں گے، آئندہ بجٹ میں مہنگائی کنٹرول کرناسب سے بڑا چیلنج ہے۔