وفاقی وزیر خزانہ اسحاق ڈار سےیو اے ای کے سفیر حمادعبید ابراہیم سلیم الزابی کی ملاقات

اسلام آباد: وفاقی وزیر خزانہ و محصولات سینیٹر محمد اسحاق ڈار سے بدھ کو پاکستان میں متحدہ عرب امارات کے سفیر حمادعبید ابراہیم سلیم الزابی نے ملاقات کی۔

وزارت خزانہ کے ترجمان کے مطابق ملاقات میں پاکستان اور یو اے ای کے درمیان دو طرفہ اقتصادی اور مالی تعلقات کو مزید مضبوط بنانے سے متعلق امور کا جائزہ لیا گیا۔

وزیر خزانہ نے دونوں ممالک کے درمیان گہرے تاریخی اور دوستانہ تعلقات پر روشنی ڈالی۔ انہوں نے کہا کہ یو اے ای پاکستان کا اہم دوست اوربرادر اسلامی ملک ہے اور دونوں ممالک کے درمیان بہترین تعلقات قائم ہیں۔

وزیر خزانہ نے پاکستان میں کاروبار اورسرمایہ کاری کےلئے حکومت کی جانب سے فراہم کردہ سازگار ماحول اور سہولیات سے بھی انہیں آگاہ کیا اور کہا کہ پاکستان معیشت کے مختلف شعبوں میں یو اے ای کی جانب سے مزید سرمایہ کاری کا خیرمقدم کرے گا۔