جی این این سوشل

پاکستان

پاور سٹرکچر کے تمام سٹیک ہولڈرز کو مل بیٹھنا چاہیے، وزیر دفاع

با ت چیت صرف بات چیت کی حد تک نہیں ہونی چاہیے، خواجہ محمد آصف

پر شائع ہوا

کی طرف سے

پاور سٹرکچر کے تمام سٹیک ہولڈرز کو مل بیٹھنا چاہیے، وزیر دفاع
جی این این میڈیا: نمائندہ تصویر

اسلام آباد: وزیر دفاع خواجہ محمد آصف نے کہا ہے کہ ملک کے پاور سٹرکچر میں شامل عدلیہ ، اسٹیبلشمنٹ ،میڈیا سمیت تمام سٹیک ہولڈرز ملکر بیٹھیں تو حل نکل سکتا ہے۔

پی ٹی آئی کے جو اشخاص بات چیت کے لئے آتے ہیں ان کے پاس مینڈیٹ ہی نہیں ہوتا،اسی لئے دو تین مہینوں سے ان کے ساتھ ہونے والی ملاقاتوں میں کوئی پیش رفت نہیں ہوئی ۔ وہ بدھ کو وفاقی وزیر اقتصادی امور سردار ایاز صادق کے ہمراہ سپریم کورٹ کے باہر میڈیا سے گفتگو کر رہے تھے۔

وزیردفاع خواجہ محمد آصف نے کہا کہ با ت چیت صرف بات چیت کی حد تک نہیں ہونی چاہیے، اگر ہم نے اس دلد ل نکلنا ہے تو پاور سٹرکچر کے تمام سٹیک ہولڈرز کو مل بیٹھنا چاہیے۔

صرف سیاستدان سٹیک ہولڈرز نہیں ہیں، 75 سالہ ملکی تاریخ بتا تی ہے کہ پاور سٹرکچر میں اور بھی سٹیک ہولڈرز ہیں ،سب مل کر بات چیت کی طرف جائیں تو اس میں کامیابی کے امکانات ہیں، صرف سیاستدانوں کے درمیان گفت و شنید ہونی ہے تو اس میں کامیابی کے امکانات نہیں سمجھتا ۔

انہوں نے کہا کہ گذشتہ دو ماہ میں رابطے ہوئے ہیں، پی ٹی آئی کی طرف سے جو اشخاص آتے ہیں ان کے پاس مینڈیٹ نہیں ہوتا وہ گپ شپ لگا کر واپس چلے جاتے ہیں ۔ یہ پچھلے دو، تین مہینے میں ہوا ہے۔

انہوں نے کہا کہ پاور سٹرکچر میں عدلیہ، اسٹیبلشمنٹ اور میڈیا سٹیک ہولڈرز ہیں ،یہ سب کسی نہ کسی صورت مل کر بیٹھے تو حل نکل سکتا ہے۔

انہوں نے کہا کہ آئین میں ترامیم کے بعد کچھ بہتری آئی ہے، آج بھی عدالت میں اس پر بحث ہورہی کہ فیصلہ کس تناسب سے ہے ، ہم اس پر کمنٹ نہیں کرسکتے لیکن ایک کنفوژن تو سامنے آچکا ہے ، کوئی بھی فیصلہ آتا ہے اس پر یہ سایہ رہے گا کہ یہ فیصلہ کس تناسب سے ہے۔

انہوں نے کہا کہ سیاست میں بہت سی چیزیں ختم ہونی چاہیے تھی جس قسم کا ماحول ہے اس میں تمیز ختم ہوتی جارہی ہے ۔انہوں نے کہا کہ بات چیت کی باتیں ہورہی ہیں ،پہلے بات چیت کے پیرا میٹرز طے ہونے چاہیے، بات چیت صرف بات چیت کی حد تک نہیں ہونی چاہیے۔

 

دنیا

لبنان پر اسرائیلی حملوں میں 9 افراد ہلاک ، 7 زخمی

حزب اللہ اور اسرائیل کے درمیان جھڑپوں میں لبنان کے 388 افراد ہلاک ہو چکے جن میں حزب اللہ کے 247 ارکان اور 73 عام شہری شامل ہیں

پر شائع ہوا

ویب ڈیسک

کی طرف سے

لبنان پر اسرائیلی حملوں میں 9 افراد ہلاک ، 7 زخمی

لبنان پر اسرائیلی حملوں میں 9 افراد ہلاک اور 7 زخمی ہوگئے ہیں۔ شنہو ا کے مطابق لبنانی فوجی ذرائع نے بتایا کہ جنوبی لبنان کے کئی قصبوں اور دیہاتوں کو نشانہ بنانے والے اسرائیلی فضائی حملوں میں 9 افراد ہلاک اور 7 زخمی ہو ئے۔

ادھرلبنان کی تنظیم حزب اللہ کا کہنا ہے کہ اس کے جنگجوؤں نے کریات شمونہ بیرکوں میں اسرائیل کی 769ویں بریگیڈ کے ہیڈ کوارٹر پر درجنوں راکٹوں کے ساتھ ساتھ رویسات العالم، برانیت، مسکاو ام، اور رامیم سمیت کئی دیگر اسرائیلی مقامات پر حملہ کیا ہے۔

لبنانی سکیورٹی ذرائع کے مطابق حزب اللہ اور اسرائیل کے درمیان جھڑپوں میں لبنان کے 388 افراد ہلاک ہو چکے جن میں حزب اللہ کے 247 ارکان اور 73 عام شہری شامل ہیں۔

پڑھنا جاری رکھیں

کھیل

سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی

سعودی عرب میں پرتپاک استقبال کےلیے ہمیشہ شکریہ ادا کرتا ہوں

پر شائع ہوا

ویب ڈیسک

کی طرف سے

سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی

ریاض: ارجنٹینا کے سٹار فٹبالر لیونل میسی نے کہا ہے کہ وہ ریٹائرمنٹ سے متعلق نہیں سوچ رہے، جب انہیں محسوس ہوا کہ اب کارکردگی دکھانے کے قابل نہیں تو فیصلہ کرنے میں دیر نہیں کرو ں گا۔

العربیہ سے گفتگو کرتے ہوئے کہاکہ میں اس محبت کےلیے سب کا شکریہ ادا کرتا ہوں جو ہمیشہ سعودی عرب آنے پر مجھے ملتی ہے۔

انہوں نےدوبارہ سعودی عرب آنے کی خواہش کا اظہار کیا۔ان کا کہنا تھا کہ سعودی عرب میں پرتپاک استقبال کےلیے ہمیشہ شکریہ ادا کرتا ہوں، مملکت میں ملنے والی محبت سے لطف اندوز ہوتے رہیں گے اور امید ہے شائقین بھی ہمارے میچوں سے محظوظ ہوں گے۔

پڑھنا جاری رکھیں

پاکستان

صحافیوں کو سوشل میڈیا پر تصدیق کے عمل کو اپنانا چاہئے، عطاءاللہ تارڑ

سوشل میڈیا پر سب سے بڑا چیلنج جعلی خبریں ہیں، وفاقی وزیر اطلاعات

پر شائع ہوا

ویب ڈیسک

کی طرف سے

صحافیوں کو سوشل میڈیا پر تصدیق کے عمل کو اپنانا چاہئے، عطاءاللہ تارڑ

اسلام آباد: وفاقی وزیر اطلاعات و نشریات عطاءاللہ تارڑ نے کہا ہے کہ سوشل میڈیا پر سب سے بڑا چیلنج جعلی خبریں ہیں، صحافیوں کو سوشل میڈیا پر تصدیق کے عمل کو اپنانا چاہئے۔ یہ بات انہوں نے برطانوی ہائی کمیشن کی پولیٹیکل قونصلر مس زوئی ویئر سے ملاقات کے دوران گفتگو کرتے ہوئے کہی۔

مس زوئی ویئر نے مسلم لیگ (ن) کو حکومت کی تشکیل اور عطاءاللہ تارڑ کو وزارت اطلاعات کا قلمدان سنبھالنے پر مبارکباد دی۔ ملاقات میں دونوں ممالک کے درمیان تعلقات، میڈیا کے شعبوں میں تعاون کے فروغ سمیت مختلف امور پر تبادلہ خیال ہوا۔ وفاقی وزیر اطلاعات نے اس موقع پر گفتگو کرتے ہوئے کہا کہ مس انفارمیشن، ڈس انفارمیشن اور فیک نیوز پوری دنیا کا مسئلہ ہے اور اس پر قابو پانے کی ضرورت ہے۔

انہوں نے کہا کہ سوشل میڈیا پر سب سے بڑا چیلنج جعلی خبریں ہیں، صحافیوں کو سوشل میڈیا پر تصدیق کے عمل کو اپنانا چاہئے۔

پڑھنا جاری رکھیں

ٹرینڈنگ

Take a poll