این سی او سی کا 50 سے 59 سال کے افراد کیلئے کورونا ویکسی نیشن کا اعلان

تفصیلات کے مطابق وفاقی وزیر اسد عمر نے سماجی رابطوں کی ویب سائٹ ٹوئٹر پر  پیغام جاری کرتے ہوئے بتایا کہ این سی او سی نے 50 سے 59 سال تک کے افراد کی کورونا ویکسی نیشن شروع کرنے کا فیصلہ کر لیا ہے۔

اسد عمر نے بتایا کہ 50 سے 59 سال کے افراد کی ویکسی نیشن شروع کرنےکا فیصلہ این سی او سی اجلاس میں کیا گیا۔

سربراہ این سی او سی کے مطابق ویکسی نیشن کا آغاز 21 اپریل سے کیا جائے گا، لوگوں سے درخواست ہے کہ خود کو ویکسی نیشن کے لیے رجسٹرڈ کروائیں۔

یادرہے کہ پاکستان میں60 سے 70 سال کے شہریوں کو  کورونا ویکسین لگانے کا عمل جاری ہے۔