سونے کی قیمت میں مزید اضافہ

تفصیلات کے مطابق بین الاقوامی مارکیٹ میں فی اونس سونے کی قیمت میں 4 امریکی ڈالر کا اضافہ دیکھا گیا اور نئی قیمت 1971 امریکی کرنسی ہو گئی ہے۔

عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی سمیت دیگر جگہوں پر فی تولہ سونے کی قیمت میں ایک سو روپے کا اضافہ دیکھا گیا اور قدر 2 لاکھ 8 ہزار روپے ہو گئی ہے۔

فی تولہ کی طرح دس گرام سونے کی قدر میں بھی 85 روپے کی بڑھوتری دیکھی گئی اور قیمت 1 لاکھ 78 ہزار 326 روپے ہو گئی ہے۔

مسلسل قیمتوں میں استحکام رہنے کے بعد فی تولہ اور دس گرام چاندی کی قیمتیوں میں بھی 20 روپے اور 17.15 روپے کا اضافہ دیکھا گیا اور قیمتیں بالترتیب 2270 روپے اور 1946.15 روپے ہو گئی ہیں۔