امریکہ اور کینیڈا کی سرحد کے قریب دریا سے آٹھ لاشیں برآمد

غیر ملکی خبر رساں ادارے کے مطابق آٹھ تارکین وطن کی لاشیں برآمد کی ہیں، جن میں دو بچے بھی شامل ہیں۔

پولیس کے ایک ہیلی کاپٹر نے جمعہ کو دریائے سینٹ لارنس میں مزید دو لاشیں دیکھیں، مرنے والوں میں رومانیہ اور ہندوستان کے دو خاندان شامل ہیں۔

تارکین کینیڈا سے غیر قانونی طور پر امریکہ جانے کی کوشش میں ہلاک ہوگئے تھے۔

ایک بچہ تین سال سے کم عمر کا تھا اور اس کے پاس کینیڈا کا پاسپورٹ تھا، ایک مقامی پولیس سربراہ نے جمعہ کی نیوز کانفرنس میں صحافیوں کو بتایا کہ دوسرا شیر خوار بھی کینیڈا کا شہری تھا۔

دوسری لاشیں قریب سے ملیں۔ پولیس کی جانب سے ابھی تک ان کی شناخت جاری نہیں کی گئی ہے، مرنے والوں میں چھ بالغ اور دو بچے تھے۔