کالعدم تحریک لبیک کیساتھ کوئی مذاکرات نہیں ہو رہے جبکہ لاہور یتیم خانہ میں حالات کشیدہ ہیں : شیخ رشید

تفصیلات کے مطابق  اسلام آباد جی7 میں سستا رمضان بازارکے دورہ کے موقع پر وزیرداخلہ شیخ رشید نے کہا کہ عمران خان مہنگائی کنٹرول کرنےکےلئےاقدامات کررہےہیں، عوام کو سستے بازاروں کے ذریعے ریلیف دے رہے ہیں، عوام کوسستی اشیا مہیا کریں گے۔

وزیرداخلہ کا کہنا تھا کہ  کالعدم ٹی ایل پی کےساتھ کوئی مذاکرات نہیں ہو رہے، 20 اپریل تک کالعدم ٹی ایل پی کو تحلیل کردیں گے، ان کے اکاؤنٹ منجمد اور شناختی کارڈ بھی بلاک ہوں گے، 20 اپریل کو راولپنڈی اسلام آباد کےشہریوں کو راستے کھلےملیں گے۔

وزیراعظم نے کل ناموس رسالتؐ سے متعلق اہم بیان دیا کہ کسی صورت گستاخی کو قبول نہیں کریں گے۔انہوں نےمزید کہا کہ جہانگیر ترین پارٹی کا حصہ ہیں، امید ہے ساتھ ہی رہیں گے، مجھے یقین ہے جہانگیر ترین کا معاملہ بھی ٹھنڈا ہوجائے گا۔