بالی ووڈ اداکار وی ویک ابراؤئے کو مداحوں کی جانب سے مشکل کا سامنا

تامل اداکار ویویک کی موت کی خبریں سوشل میڈیا پر گردش کرنے کے بعد  بالی ووڈ کے نامور اداکار وی ویک اوبرائے کو غلطی سے ’مردہ‘ سمجھا جانے لگا۔جس پر اداکار  ویویک اوبرائے نےوضاحت دیتے ہوئے سماجی رابطوں کی ویب سائٹ پر پیغام جاری کرتے ہوئے اپنے مداحوں کو آگاہ کیا ۔

"چنئی میں میرے اسپتال میں داخل ہونے کے بارے میں ایک غلط خبر سامنے آئی ہے جس پر میں یہ واضح کرنا چاہتا ہوں کہ میں محفوظ ہوں۔ ممبئی میں اپنے اہل خانہ کے ساتھ صحتمند ہوں ، لیکن تمل انڈسٹری سےتعلق رکھنے والے اداکار  ویوک کے انتقال کی خبر سن کر بہت رنج ہوا۔ میں ان کے اہل خانہ سے دلی تعزیت کرتا ہوں۔"

There has been a false news report about me being hospitalised in Chennai,I would like to clarify that I am safe & healthy with my family in Mumbai,but deeply saddened to hear abt the demise of @Actor_Vivek from the Tamil industry. I extend my deepest condolences to his family?

— Vivek Anand Oberoi (@vivekoberoi) April 17, 2021

بھارت میں معروف  تامل اداکار اور کامیڈین ویویک دل کے عارضے میں مبتلا تھے جس کے باعث زندگی کی جنگ  ہار گئے۔ اس خبر پر عوام کی جانب سے انتہائی رنج کا اظہار کیا گیا۔ وزیر اعظم نریندر مودی نے بذات خود تجربہ کار اداکار کے لئے ایک سوگ کا پیغام سوشل میڈیا پر شائع کیا:

"نامور اداکار ویوک کے اچانک انتقال سے بہت سے لوگ غمگین ہوگئے ہیں۔ اس کی مزاحیہ شخصیت سے لوگوں کا دل بہل جاتا تھا۔ ان کی فلموں اور ان کی زندگی  میں ماحولیات اور معاشرے  میں فکر کا احساس جگایا جاتا رہا  ۔ ان کے اہل خانہ ، دوستوں اور مداحوں سے تعزیت،  اوم شانتی۔ "

تاہم تامل اداکار کی موت کی خبروں نے عوا م میں غلط فہمی کو جنم دیا  جس کے بعد یہ افواہیں گردش کرنے لگیں کہ بھارتی بالی ووڈ اداکار وی ویک اوبرائے چنئی کے ایک اسپتال میں  داخل ہیں ۔

واضح رہے تامل اسٹار ویویک کا 59 سال کی عمر میں انتقال ہوا جبکہ بالی ووڈ اداکار وی ویک اوبرائے نے حال ہی میں کورونا ویکسین لگاوائی ہے۔