قومی ایئرلائن کی بڑی آفر، مدینہ کی کھجوریں پاکستان میں منگوائیں

غیر ملکی خبررساں ادارے کے مطابق  پاکستان انٹرنیشنل ایئرلائن (پی آئی اے ) اپنی کارگو خدمات کے ذریعے پاکستان میں مدینہ کی کھجوریں آرڈر پر فراہم کرے گی۔پی آئی اے نے  عام شہریوں اور کھجوریں درآمد کرنے والوں کے لیے خصوصی پیکج کا اعلان کیا ہے۔اس کیلئے  قومی ایئرلائن نے  خصوصی رعایتی نرخ متعارف کرائے ہیں تاکہ لوگ گھر بیٹھے مدینہ کی کھجوریں حاصل کر سکیں۔

سماجی رابطے کی ویب سائٹ ٹوئٹر پر پاکستان ایئر لائنز (پی آئی اے ) نے اعلان کیا ہے کہ مدینہ کارگو آفس کال کرکے آرڈر بک کروایا جا سکتا ہے۔اس کے علاوہ  سعودی عرب میں رہنے والے  پاکستانی بھی اس سہولت سے فائدہ اٹھاتے ہوئے اپنے گھروں میں کھجوریں بھجوا سکتے ہیں۔

pic.twitter.com/4YzlSoMT0b

— PIA (@Official_PIA) April 18, 2021

پاکستان میں عام طور پر  جب کوئی حج، عمرے  کر کے واپس آتا ہے تو  وہ اپنے رشتہ داروں  اور دوستوں  کے لیے کھجوروں کا تحفہ لازمی لاتا ہے۔یہی وجہ ہے کہ سعودی عرب کھجوروں کی پیداوار کے لحاظ سے دنیا بھر میں ایک منفرد مقام رکھتا ہے۔

واضح  رہے کہ سعودی عرب نے کورونا وبا کے باعث  بیرون ملک سے پروازوں کا سلسلہ بند کر رکھا ہے جس کی وجہ سے پاکستان سے بھی پروازیں بند ہیں۔جبکہ  اس دوران سعودی عرب سے پروازوں کی واپسی جاری ہے جبکہ کارگو سروس پر کوئی پابندی نہیں ہے۔