ڈسٹرکٹ اینڈ سیشن کورٹ اسلام آباد میں فائرنگ سے ملزم قتل

ڈسٹرکٹ اینڈ سیشن کورٹ اسلام آباد میں پیشی کے لیے لائےگئے ملزم کو فائرنگ کرکے قتل کردیا گیا۔ واقعہ ضلعی کچہری میں پیش آیا جہاں ایک ملزم کو عدالت میں پیشی کے بعد بخشی خانے لے جایا جارہا تھا کہ ایک شخص نے فائرنگ کردی۔

فائرنگ کے باعث ملزم ہلاک ہوگیا جب کہ فائرنگ کرنے والے ملزم کو پولیس نے موقع پر ہی اسلحے سمیت گرفتار کرلیا، قتل کرنے والے شخص سے نائن ایم ایم پستول برآمد کی گئی ہے۔

اس واقع پر پاکستان تحرک انصاف کے رہنما مراد سعید کا کہنا تھا کہ  یہ حکومت اور ان کے سہولت کار بضد ہیں کہ عمران خان کو عدالتوں کے چکر لگوائے جائیں۔۔ اس کچہری میں دو خودکش حملے ہوچکے، عمران خان کو درپیش سیکیوریٹی تھریٹس آن ریکارڈ ہیں. ایک قاتلانہ حملہ دنیا کے سامنے ہوچکا اور لاتعداد کی کوششیں پس پردہ جاری ہیں۔

اور یہ حکومت اور ان کے سہولت کار بضد ہیں کہ عمران خان کو عدالتوں کے چکر لگوائے جائیں۔۔ اس کچہری میں دو خودکش حملے ہوچکے، عمران خان کو درپیش سیکیوریٹی تھریٹس آن ریکارڈ ہیں ایک قاتلانہ حملہ دنیا کے سامنے ہوچکا اور لاتعداد کوششیں پس پردہ۔۔ pic.twitter.com/GiyNvSzkTV

— Murad Saeed (@MuradSaeedPTI) April 19, 2023

ترجمان اسلام آباد پولیس کے مطابق  فائرنگ کرنے والے ملزم کی شناخت سلمان کے نام سے ہوئی ہے اور اس کی مقتول سے رشتہ داری تھی۔آئی جی اسلام آباد ڈاکٹر اکبر ناصر خان  نے واقعےکا نوٹس لیتے ہوئے  سی پی او سکیورٹی کو معاملےکی انکوائری کرکے رپورٹ دینےکا حکم دے دیا۔