مانسہرہ ، سیاحتی مقام ناران میں پھنسے ہوئے سیاحوں کو کاغان ڈویلپمنٹ اتھارٹی اور مقامی انتظامیہ نے ریسکیو کر لیا

مانسہرہ: مانسہرہ کے سیاحتی مقام ناران میں پھنسے ہوئے سیاحوں کو کاغان ڈویلپمنٹ اتھارٹی اور مقامی انتظامیہ کے اہلکاروں نے مشترکہ کوششوں کے دوران بحفاظت ریسکیو کر لیا۔

چار روز قبل سیاحتی مقام ناران میں بھاری گلیشیئرز کے دوبارہ آنے کے بعد ناران میں محصور ہونے والی چار فیملیز کے 26 افراد جن میں 6 خواتین اور 3 بچے بھی شامل ہیں کو مقامی پولیس اور کاغان ڈویلپمنٹ اتھارٹی کے اہلکاروں نے طویل اور سخت کوششوں کے بعد بحفاظت ریسکیو کر کے بالاکوٹ پہنچا دیا۔

ریسکیو کیئے جانے پر سیاحوں نے مقامی انتظامیہ کا شکریہ ادا کیا۔

واضح رہے کہ حالیہ غیر متوقع بارشوں اور ناران اور ملحقہ علاقوں میں برفباری کے بعد تین مزید گلیشیئرز دوبارہ شاہراہِ پر آنے سے مقامی انتظامیہ نے ناران آنے والے سیاحوں پر پابندی عائد کر رکھی تا ہم کاغان شوگران اور دیگر سیاحتی مقامات پر سیاح آ سکتے ہیں۔