پاکستان تحریک انصاف کا یوم تاسیس کے موقع پر الیکشن مہم شروع کرنے کا اعلان

پنجاب میں انتخابات کے سلسلے میں پاکستان تحریک انصاف آج سے الیکشن مہم شروع کرے گی، سابق وزیراعظم عمران خان الیکشن مہم کا آغاز کریں گے۔پی ٹی آئی کے 27 ویں یوم تاسیس کے موقع پر انتخابی مہم کا آغاز آج ہوگا، عمران خان شام 5 بجے الیکشن مہم کا آغاز کریں گے۔

چیئرمین پی ٹی آئی ویڈیو لنک پر کارکنوں سے بھی خطاب کریں گے، اس حوالے سے لبرٹی چوک پر بڑی اسکرین بھی لگائی جائے گی۔

25 اپریل کو پاکستان تحریک انصاف کے 27ویں یوم تاسیس کے دن پنجاب میں الیکشن کمپین کا باضابطہ آغاز کیا جائے گا

صوبائی اسمبلی کے تمام ٹکٹ ہولڈرز اپنے اپنے حلقے میں ریلیاں نکالیں گے اور چئیرمین عمران خان کے خطاب کی سکریننگ کریں گے

— Azhar Mashwani (@MashwaniAzhar) April 23, 2023

پارٹی چیئرمین عمران خان کے ترجمان اظہر مشوانی نے گزشتہ روز اپنے ٹویٹ میں لکھا تھا کہ 25 اپریل کو پاکستان تحریک انصاف کے 27ویں یوم تاسیس کے دن پنجاب میں الیکشن کمپین کا باضابطہ آغاز کیا جائے گا، صوبائی اسمبلی کے تمام ٹکٹ ہولڈرز اپنے اپنے حلقے میں ریلیاں نکالیں گے، حلقوں میں ٹکٹ ہولڈرز کی ریلیوں کے دوران چیئرمین پی ٹی آئی عمران خان کے خطاب کی اسکریننگ بھی کی جائے گی۔