وفاقی وزیر تجارت سید نوید قمر سے سعودی عرب کے لئے نامزد سفیر احمد فاروق کی ملاقات

اسلام آباد: وفاقی وزیر تجارت سید نوید قمر سے سعودی عرب کے لئے نامزد سفیر احمد فاروق نے جمعرات کو یہاں ملاقات کی۔

ملاقات میں دونوں ممالک کے درمیان تجارتی تعلقات کو بڑھانے کے امور پر تبادلہ خیال کیا گیا۔ اس موقع پر وفاقی وزیر نے سعودی عرب کو پاکستانی برآمدات بڑھانے کے لیے زراعت اور ٹیکنالوجی کے شعبے میں جارحانہ مارکیٹنگ کی ضرورت پر زور دیا۔

انہوں نے کہا کہ پاکستان میں سعودی عرب کو زرعی مصنوعات اور ٹیکنالوجی برآمد کرنے کی بے پناہ صلاحیت ہے اور دونوں ممالک کو تعاون کے نئے شعبوں کی نشاندہی کے لیے مل کر کام کرنے کی ضرورت ہے۔ سید نوید قمر نے نامزد سفیر کو اس سلسلے میں اپنے مکمل تعاون کی یقین دہانی کرائی۔