سابق چیئرمین پیمرا ابصار عالم قاتلانہ حملے میں زخمی

تفصیلات کے مطابق   سابق چیئرمین پیمرا ابصار عالم اسلام آباد میں قاتلانہ حملے میں زخمی ہوگئے ،  ابصارعالم کوگھرکےسامنے گولی کا نشانہ بنایا گیا۔ ابصار عالم ایف الیون پارک میں واک کر رہے تھے۔ ابصار عالم کو معروف اسپتال منتقل کردیا گیا۔

پولیس کے مطابق سینئر صحافی  و سابق چیئرمین پیمرا   ابصار عالم کو پیٹ میں ایک گولی لگی،  حالت خطرے سے باہر ہے ، ابصار عالم کو پارک میں واک کرتے ہوئے نامعلوم شخص نے گولی ماری، نامعلوم شخص فائرنگ کے بعدموقع سے فرار ہوگیا ہے۔حملہ آور کو گرفتار کرنے کے لیے سی سی ٹی وی کیمروں کی مدد لی جا رہی ہے۔

سینئر صحافی  ابصار عالم کا  اپنے بیان میں کہنا ہے کہ   مجھے لگا کہ ایک نامعلوم شخص میری طرف آرہاہے ، وہ شخص مجھ پر فائرنگ کرکے فرار پوگیا۔

دوسری جانب  وفاقی وزیر داخلہ شیخ رشید احمد نے سینئر صحافی ابصار عالم پر فائرنگ کا نوٹس لے لیا ہے،  وزیر داخلہ شیخ رشید نے فوری تحقیقات کا حکم دے دیا۔