پولیس نے لاکھوں مالیت کی منشیات سمگل کرنے کی کوشش ناکام بنا دی

تفصیلات کے مطابق  منشیات کی سمگلنگ ناکام بنانے کی کاروائی ایس ایچ او کینٹ انسپکٹر امجد حسین اور انکی پولیس ٹیم کی طرف سے عمل میں لائی گئی۔پولیس کے مطابق  کاغزئی پولیس چیک پوسٹ پرکامیاب کاروائی کے دوران فلائنگ کوچ کے خفیہ خانوں سے 18 کلو گرام چرس برآمد کرلی گئی۔ انٹیلی جنس بیسڈ کاروائی کے نتیجے میں منشیات کے بین الاضلاعی سمگلر زبیر ولد ریخمین علی سکنہ اورکزئی کو گرفتار کرلیا گیا ہے۔

پولیس کا کہنا ہے کہ  پکڑی گئی منشیات اورکزئی سے کوہاٹ شہر اور جنوبی اضلاع کو سمگل کی جارہی تھی،  زیر حراست منشیات سمگلر کے خلاف تھانہ چھاؤنی میں مقدمہ درج کر لیا گیا،  پکڑے گئے منشیات سمگلر نے ابتدائی تفتیش میں منشیات سمگلنگ کے گھناؤنے جرم کا اعتراف کر لیا ہے۔ زیر حراست ملزم سے دوران تفتیش منشیات سمگلر نیٹ ورک کے بارے میں مزید اہم انکشافات متوقع ہیں۔