وزیر اعظم نے مافیا کی سازش کے متعلق بالی ووڈ کی فلم کا کلپ شیئرکردیا

وزیر اعظم عمران خان نے     انسٹاگرام  اکاؤنٹ پر بالی ووڈ کی ایک فلم کا کلپ شیئرکیا ہے جس میں دکھایا گیا ہے کہ  مافیا کس طرح  حکومت کے خلاف سازش کرتا ہے۔

معروف فوٹو شیئرنگ ایپ انسٹاگرام پر ایک پوسٹ میں وزیر اعظم عمران خان نے لکھا کہ  " کرپٹ مافیا نے شروع دن سے ہی  پاکستان تحریک انصاف کی حکومت کے خلاف یہ منصوبہ بندی کی ہوئی ہے"

وزیر اعظم عمران خان اپنے مداحوں کیلئے  انسٹاگرام پر باقاعدگی سے پرانی  تصاویر شیئر کرتے رہتے ہیں ۔لیکن آج  وزیر اعظم نے اپنی تصاویرکی  بجائے بالی ووڈ کی ایک فلمی ویڈیو کلپ شیئر کیا۔ 1984 میں ریلیز ہونے والی امیتابھ بچن کی فلم ’انقلاب سے کلپ لیا گیا ہے۔

ویڈیو  کلپ میں دکھایا گیا ہے کہ   سیاسی شخصیات پیسہ  استعمال کرکے کس طرح حکومت کے خلاف سازش کرتے ہیں ۔

ویڈیو کلپ  میں قادر خان کہتے ہیں کہ " ہمیں عوام کا اعتماد حاصل کرنے کیلئے حکومت سے عوام کا اعتماد ہٹانا ہوگا جس کیلئے ایسا ماحول پیدا کرنا ہوگا لوگ اس سرکار کو نکمی، ناکارہ اور بیکار سمجھ کر کسی اور پارٹی کو کرسی پر بٹھانے پر مجبور ہوجائیں"۔

ا س سے قبل عمران خان نے کہا تھا کہ بھارت کا  نئی دہلی  بالی ووڈ کی فلموں میں دکھائے جانے والے فحاشی اور فحش مواد کی وجہ سے دنیا کا ریپ کیپیٹل بن گیا ہے۔

انہوں نے مزید کہا  تھا  "معاشرے میں فحاشی کی وجہ سے طلاق کی شرح میں 70 فیصد اضافہ ہوا ہے۔ کچھ لڑائی  ایسی ہیں جو حکومت  قانون سازی نہیں جیت سکتی،  معاشرے  کو بھی اس میں شامل ہونا چاہئے۔