توشہ خانہ کیس میں عمران خان پر فرد جرم عائد

توشہ خانہ کیس میں عمران خان پر فرد جرم عائد کردی گئی۔

ایڈیشنل سیشن جج ہمایوں دلاور نے کیس کی سماعت کی، کیس کی سماعت پولیس لائن ہیڈ کوارٹر میں ہوئی۔

تفصیلات کے مطابق توشہ خانہ کیس کی سماعت پولیس لائن ہیڈکوارٹر ایچ الیون کے گیسٹ ہاؤس میں ہوئی جہاں عمران خان کو پیش کیا گیا،کمشنر آفس نے حفاظتی وجوہات کے باعث پولیس لائنز کو عدالت کا درجہ دیا ہے۔

توشہ خانہ کیس میں عمران نے فرد جرم کی کارروائی کا بائیکاٹ کردیا۔

گزشتہ سماعت پر عدالت نے توشہ خانہ کیس کے قابل سماعت اور دائرہ اختیار سے متعلق درخواستیں مسترد کردی تھیں۔