ڈینیئل مدویدیف نے پہلی مرتبہ اٹالین اوپن ٹینس ٹورنامنٹ جیت لیا

روم: روس کے نامور ٹینس سٹار ڈینیئل مدویدیف نے پہلی مرتبہ اٹالین اوپن ٹینس ٹورنامنٹ جیت لیا۔

انہوں نے مردوں کے سنگلز مقابلوں کے فائنل میچ میں ڈنمارک کے ہولگر رونے کو شکست دے کر کیریئر کا پہلا کلے کورٹ ٹائٹل اپنے نام کرلیا۔ اے ٹی پی کے زیر اہتمام اٹالین اوپن کے دلچسپ مقابلے اٹلی کے دارالحکومت روم میں جاری ہیں۔

مینز سنگلز مقابلوں کے فائنل میچ میں 27 سالہ روسی ٹینس سٹار ڈینیئل مدویدیف اور ڈنمارک کے ہولگر رونے آمنے سامنے تھے جس میں نے عمدہ کھیل کا مظاہرہ کرتے ہوئے حریف ڈنمارک کے ہولگر رونے کو سٹریٹ سیٹس میں 5-7 اور 5-7 سے ہرا کر پہلی مرتبہ اٹالین اوپن ٹینس ٹورنامنٹ جیت لیا۔

یہ مدویدیف کا 2023 کا پانچواں جبکہ مجموعی طور پر 20واں ٹائٹل ہے اور اس فتح کے بعد روسی فاتح کھلاڑی مردوں کے سنگلز مقابلوں کی عالمی درجہ بندی میں ایک درجہ ترقی پاکر تیسرے سے دوسرے نمبر پر پہنچ گئے ہیں۔