راولپنڈی: ڈکیتی مزاحمت پر سیشن جج قتل

راولپنڈی: راولپنڈی کے علاقے روات میں ڈاکوؤں نے قومی احتساب بیورو (نیب) کی عدالت میرپور آزاد کشمیر کے جج سردار امجد اسحاق کو ان کے گھر ڈکیتی کی کوشش کے دوران قتل کردیا۔

تفصیلات کے مطابق روات کے علاقے فیز VIII میں دو ڈاکوؤں نے ڈکیتی کی نیت سے گھر میں گھس کر اہل خانہ کو گن پوائنٹ پر یرغمال بنانے کی کوشش کی۔

مزاحمت پر ڈاکو نے فائرنگ کر دی جس سے سردار امجد زخمی ہو گئے۔ جس کے بعد اسے فوری طور پر طبی امداد کے لیے اسپتال لے جایا گیا جہاں وہ جانبر نہ ہوسکے۔

5 ڈاکو ڈکیتی کی کوشش کے لیے گھر میں داخل ہوئے، فائرنگ کے تبادلے میں ایک زخمی ہوگیا جسے پولیس نے گرفتار کرلیا۔

پولیس اہلکار سید خالد ہمدانی نے واقعے کا نوٹس لیتے ہوئے سپرنٹنڈنٹ آف پولیس (ایس پی) صدر نبیل کھوکھر سے واقعے کی رپورٹ طلب کرلی اور پولیس کو ہدایت کی کہ ملزمان کو جلد از جلد گرفتار کیا جائے۔ تاہم پولیس نے ملزمان کی گرفتاری کے لیے واقعے کی تفتیش شروع کردی ہے۔